Русский  >>  فارسی  >>  Шанбе 3 декабр 2016, 14:36

2.705.728 сомонӣ- қарзи андозсупорандагони як ноҳия дар нимсолаи аввал

6 август 2011, 04:25

Қарзи андозсупорандагони ноҳияи Восеъ аз буҷаи давлат дар нимсолаи аввали имсол 2 миллиону 705 ҳазору 728 сомониро ташкил додааст, ки аз ин  1 миллиону 408 ҳазор сомонӣ қарз аз фонди ҳифзи иҷтимоӣ будааст.


Дар ин бора  Эмомалӣ Саидов, иҷрокунандаи вазифаи сардори нозироти андоз хабар дод.  Ба гуфтаи ӯ, ҳарчанд кормандони нозирот дар якҷоягӣ бо масъулини ҳукумати маҳаллӣ ва ҷамоати деҳот дар мавриди баргардонии қарзи андоз корҳои зиёде ба анҷом мерасонанд, вале қарз аз андози давлатӣ ё ба истилоҳ бақияпулӣ мунтазам баланд гаштан дорад. «Дар ин нимсола бақияпулӣ аз андоз боз 268. 976 сомонӣ зиёд гардид. Асосан қарзҳо аз ҳисоби якчанд корхонаву хоҷагиҳои «нописанд» пайдо мешаванд, ки намехоҳанд андози давлатиро пардохт намоянд. Танҳо як хоҷагии ба номи «Шарифҷон» 631.629-сомонӣ боҷу хироҷи давлатиро насупурдааст ва супурдан ҳам намехоҳад. Зӯри касе дар ноҳия ба роҳбари ин хоҷагӣ намерасад. Аммо кормандони нозироти андоз ҷазо мегиранд», мегӯяд Саидо

Манбаъ афзуд, дар ҳудуди ноҳия ин гуна хоҷагиҳо ва ташкилоту корхонаҳои хусусӣ зиёданд, ки барои пардохти маблағи андоз бепарво мебошанд.

Тӯли як муддати кӯтоҳ  маротибаи чаҳорум аст, ки сардори нозироти андози ноҳияро бо ҷурми «иҷро накардани нақшаи ҷамъоварии андози давлатӣ» аз кор мегиранд, вале ҳамоно нақшаи ҷамъоварӣ бетағир мемонад,-ҷамъбаст кард Саидов.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!