23 дек 2013 11:53Оcиёи Марказӣ / Тоҷикистон
Кабирӣ мегӯяд, тоҷикон дар дуроҳаи интихоби озодӣ ва субот мондаанд
Раиси ҲНИТ, ки дар як суҳбати ихтисосӣ бо Шабакаи телевизионии “Тулӯъ”-и Афғонистон дар ин бора суҳбат мекард, гуфт, давлатҳои Осиёи Марказӣ натавонистанд, озодӣ ва суботро дар як вақт ба сокинони худ таъмин намоянд.
Муҳиддин Кабирӣ изҳор дошт, ки ҳарчанд сулҳи тоҷикон як намунаест, дар сатҳи ҷаҳонӣ, вале на ҳамаи ормону хостаҳои дар аснод дарҷгардида аз ин сулҳ амалӣ шудаанд. Ӯ гуфт, ду ҷониби сулҳ ҳангоми имзои ин созишнома бар ин буданд, ки як давлати демократӣ ва гуногунандеш дар Тоҷикистон ташкил медиҳанд. Аммо ба гуфтаи Муҳиддин Кабирӣ, онҳо натавонистанд, дар ин солҳои баъди сулҳ ҳатто як интихоботи демократӣ ва шаффоф баргузор кунанд: ”Бузургтарин дастоварди тоҷикон аз ин сулҳ истиқрори суботу оромӣ дар кишвар аст, вале бояд гуфт, ки ин бар ивази аз даст додани озодӣ ва маҳдуд шудани озодии баён омадааст.”
Ба гуфтаи Муҳиддин Кабирӣ, сиёсатҳои пешгирифтаи худи раҳбарони ин давлатҳо боиси рӯ овардани ҷавонон ба ҳизбу ҳаракатҳои тундгаро ё ба истилоҳ “терорристӣ” мебошад: “Чӣ омил водор мекунад, ки як ҷавони мусулмон аз кишварҳои Осиёи Марказӣ ба Вазиристони Покистон равад ё ба Сурия? Инҷо танҳо дин боис намешавад, инҷо маосили иқтисодию иҷтимоӣ ва сиёсӣ мебошад. Вақте озодиҳо аз сӯи давлатҳо маҳдуд мешавад, мардум роҳи ягонаро дар муборизаи мусаллаҳона мебинанд.”
Инчунин, Муҳиддин Кабирӣ дар бораи сари қудрат омадани ҳизбаш ибрози назар карда, гуфт, ҲНИТ бар ин андеша аст, ки дар як давлати демократӣ ҳеч нерӯе наметавонад, қудратро ба танҳоӣ дар даст дошта бошад. Ӯ таъкид кард, агар ҲНИТ дар идораи давлат шарик бошад, метавонад, на танҳо он ормону хостаҳои дар аснод мондаро, балки бештар аз онро амалӣ созад.
Раиси ҲНИТ иброз намуд, он ҳама овозаҳо дар бораи даст доштани аъзои ҳизбаш ба ҳаракатҳои мамнуъ ва иртиҷоӣ овозае беш нестанд ва касе ба ин ҳам бовар нахоҳад кард. Чун ҲНИТ худро ҳамчун як нерӯи муътадил нишон додааст: “Чун ҲНИТ, ҳангоми манъ кардани рафтани занҳо ба масоҷид, мамнуъ шудани рӯсарӣ барои донишомӯзон ва ҷилавгирӣ аз ҳузури ҷавонон дар масоҷид қотеона ин амалҳоро маҳкум кард, вале ҳеч гоҳ мардумро ба хиёбонҳо даъват накард.”
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
