Русский  >>  فارسی  >>  Панҷшанбе 8 декабр 2016, 16:59

Убайдуллоев дастандаркорони тақсими ғайриқонунии хонаҳоро “ҷазо” дод

25 декабр 2013, 09:23

Маҳмадсаид Убайдуллоев, раиси шаҳри Душанбе, дар ҷаласаи кории шаҳрдорӣ аз истифодаи ғайриқонунии моликияти коммуналӣ, аз ҷумла хонаҳо, изҳори нигаронӣ кардааст.

Дафтари матбуоти шаҳрдории Душанбе мегӯяд, Убайдуллоев таъкид намудааст, истифодаи ғайриқонунии хонаҳои коммуналӣ, яъне бе бастани шартномаи дахлдор, бо мусоидати масъулини ноҳияҳо сурат гирифта, ба давлат зарари молӣ меорад.

Ба иттилои манбаъ, дар ҷаласаи шаҳрдорӣ мисол оварда шуд, ки сардори Корхонаи воҳиди “Манзилхизматрасон”-и №4, Ҳ.Қаюмов аз ҳадди ваколатҳои хизматияш баромада, бо ин роҳ 5 ҳуҷра (квартира)-и моликияти коммуналиро бе қарори Раиси шаҳри Душанбе ва бе бастани шартномаи иҷора бо Раёсати сармоягузорӣ ва идораи амволи давлатӣ дар шаҳри Душанбе ғайриқонунӣ ба шаҳрвандон ба муҳлати то 1 сол додааст ва барои чунин худкориҳо мавсуф аз вазифа озод карда шуд.

Дар ин робита, Маҳмадсаид Убайдуллоев нисбат ба иҷрокунандаи вазифаи сардори Раёсати сармоягузорӣ ва идораи амволи давлатии Душанбе Ҷ.Одинаев танбеҳ эълон карда, ӯро вазифадор намудааст, ки назорати истифодаи амволи коммуналиро беҳтар ба роҳ монад ва нисбат ба хилофкорон чораҳои пешбининамудаи қонунгузориро татбиқ намояд..


Шарҳи худро бинависед:

Ном:*
E-Mail:
Матни шарҳ:
Посух додан
  • Мухочир

  • 25 декабр 2013 13:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом ба хамаи хонандагон ва масъулони Сомона. Барои Хукуматдорони мо бадтарин чазо нисбат ба чиновникони хукумати ин аз вазифа озод кардани у будааст. Ачиб аст, ки хатто милёнхо долларро хурда бошад ё фарзандонашон 3-4 нафарро зада кушта бошанд танхо бо чаримаи маблаги ду раками иктифо мекунанду халос , аммо худо накунад, ки у як шахси сохибкоре мисли Зайд Саидов бошад.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!