Русский  >>  فارسی  >>  Душанбе 5 декабр 2016, 03:18

Наворбардори Озодагон: "Ман ба ҳеч ваҷҳ гунаҳкор нестам" (VIDEO)

26 декабр 2013, 18:36

Масъулони Додгоҳи шаҳри Душанбе шоми 26 декабр Абдураҳим Шукуров, наворбардори “Озодагон”-ро бо 320 сомонӣ ҷарима аз боздошт озод кард. Оқои Шукуров шаби 26 декабр, дар ҳоле ки вакили мудофеъ надошт ва аз латту кӯб шуданаш аз тарафи маъмурони пулис шикоят мекард, барои 7 рӯз ҳабси маъмурӣ шуда буд.

Бузургмеҳр Ёров, вакили мудофеи Абдураҳим Шукуров, гуфт, дар қарори додгоҳи шаҳри Душанбе омадааст, ки гӯиё наворбардори “Озодагон” дар рӯзи эълони ҳукми Зайд Саидов “бо наворбардории худ ба талаботи қонунии кормандони милиса ҳангоми таъмини тартиботи ҷамъиятӣ итоат накардааст.” Бино ба қарори додгоҳ, ин амали наворбардори “Озодагон” оромии шаҳрвандон -- Эмомалӣ Раҳимбердиев, Амина Каримова ва чандеи дигарро халалдор намуда, таваҷҷуҳи ҷомеаро ба мурофиаи "Зайд Саидов" ҷалб намудааст.



“Дар натиҷа, ин амалаш боиси халалдор намудани ҳаракати васоити нақлиёт дар роҳи мошингарди кӯчаи Мирзо Турсунзода шуд”,-омадааст дар қарори додгоҳ. Аммо Абдураҳим Шукуров баъд аз раҳоияш аз боздошт гуфт, худро ба ҳеч ваҷҳ гунаҳкор намеҳисобад, чун барои фаъолиятҳои касбияш боздошт шудааст. Шукуров гуфт, баръакс, ҳуқуқи ӯ аз тарафи маъмурони пулиси ноҳияи Исмоили Сомонӣ нақз шуда, мавриди зарбу лат қарор гирифтааст. “Онҳо ҳатто дар вақти боздошт маро дашномҳои қабеҳ гуфтанд, ки баёнаш он қадар кори осон нест",-афзуд ӯ.

Дар ҳамин ҳол, Нуриддин Қаршибоев, раиси Анҷумани миллии расонаҳои мустақили Тоҷикистон, изҳор дошт, ки озодии Шукуров маънои онро надорад, ки ҷомеаи журналистӣ ба нақзи ҳуқуқи ӯ аз сӯи маъмурини пулис чашм мепӯшад: "Мо муборизаро идома медиҳем, зерои ҳуқуқҳои журналист ҳангоми адои вазифаи хидматияш поймол шудаанд." Қаршибоев ҳамчунин изҳори умед кард, ки талаби онҳо барои мулоқоти раҳбарони созмонҳои журналистӣ ва срадабирони нашрияҳои мустақил бо Рамазон Раҳимов баргузор шуда, ӯ ба суолашон посух хоҳад дод.



Рӯзи 26 декабр як гурӯҳ аз раҳбарони созмонҳои журналистӣ ва бархе аз сардабирони нашрияҳои мустақил дар пайи ин қазия аз Рамазон Раҳимов, вазири умури дохилии Тоҷикистон, хостанд, то онҳоро барои як сӯҳбати рӯбарӯ бипазирад ва омилони латту кӯби Шукуровро муҷозот намояд.

Абдураҳим Шукуров, наворбардори хабаргузории “Озодагон”, ҳангоми наворбардорӣ аз рафти таҷаммӯи наздикон ва ҷонибдорони Зайд Саидов дар назди боздоштгоҳи муваққати шаҳри Душанбе дастгир шуд. Ойниҳол Бобоназарова, ҳуқуқдони саршиноси тоҷик, ҳамон вақт барои раҳоии ӯ талош карда, аммо маъмурони пулис Шукуровро дар худрав шинонда бо худ бурдаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Душанбе

  • 26 декабр 2013 18:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
320 сомони барои чи? Барои фаъолияти касби? Ачаб системаи суди дора ин кишвар. Бачаи Хукумов 3 каса бо мошин зер карда кушт, 120 сомон чарима супурд. Ин журналист кори худаша мекард, 320 сомон чаримааг бастанд. Инхо мардума гов гумон мекарда бошанд? ((((
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Озод шуд, хуб, акнун бояд латукубкунанда мучозот шавад не?
Посух додан
  • судя

  • 26 декабр 2013 21:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
бо ин конунхои чангали харвакт ва бо харбахона метавон як нафйарро бегунох бурду хабс кард. харвакт милисахо метавонанд як касро аз рохи рост капида гуянд ки татиботи чамъиятиро вайрон кард. ин чи хукумат ва чи конун аст наход ин мардум сохиб надошта бошад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин ба журналистон ана ин хабари хуш Худованд хамавахт дар панохаш нигохатон дорад бародарон ва апахои рузноманигор оффарин хамавахт муттахид бошед иншоаллох муттахидии шумо ба мардум илхом мебахшад ва хама аз шумо муттахидиро меомузад Худо нигахдоратон баХУДО ин муттахидии шумо ман рухи тоза бахшид мо метавонем як чомеаи демократи бисозем бапеееш чазои он милисахои хайвонсифатро дихед то охир муборизаро давом дихед мо бо шумем. Ин милисахо бачое ки мардума химоя кнан мардума шиканча мекнан ай ихели млеса безорем безор
Посух додан
  • Мансур

  • 27 декабр 2013 08:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ачиб у се 3-касро кушта 120 сомони чарима супурд. Ин кас хеч касро накушту 320 сомони чарима шуд.
Посух додан
  • Эмомали Рахмон

  • 27 декабр 2013 08:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Як чахон ташаккур!
Посух додан
  • Самир

  • 27 декабр 2013 09:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мансур,
Мансур,
Ин аст галабаи мансаб бар конун. конун мурд, чанозаашро хонед!
Посух додан
  • Мурод

  • 27 декабр 2013 09:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ачиб ин ки судхои мо махсусан суди нохияи Исмоили Сомони баъди соати 5 шабона хам кор мекардаст да....
Посух додан
  • Магрур

  • 2 январ 2014 22:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар мо одат шудааст нисбатат зулми беандоза мекунанд. Хукухоятро поймол мекунанд,шахсиятатро паст мезананд ва хама мукадасотатро тахкир мекунанд. Каме гузашт мекунанду мо хъурсандем ва онхоро мебахшем.
Хеч гох :
Тарахум бар паланги тездандон,
Ситамгори бувад бар гусфандон...
Хохиш мекунам то охирмубориза бурд.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!