27 дек 2013 13:18Тоҷикистон / Иҷтимоӣ

Ҳумайрои Бахтиёр беҳтарин инъикосгари интихобот эълон шуд

Ҳумайрои Бахтиёр, хабарнигори «Озодагон», дар озмун зери унвони «Беҳтарин инъикосгари интихоботи президенти Тоҷикистон – 2013» миёни 20 рӯзноманигори ширкаткунанда беҳтарин эълон гардид.

Ин озмун дар доираи лоиҳаи “Боло бурдани малакаи намояндагони ВАО оиди инъикоси интихоботи президентии соли 2013” аз ҷониби дафтари Пажуҳишгоҳи ҷанг ва сулҳ (IWPR) дар Тоҷикистон баргузор гардида, зимни он истифодаи технологияҳои нав, жанрҳои гуногуни журналистӣ, мутобиқат ба меъёрҳои ҷаҳонии журналистӣ ва шумораи матолиби рӯзноманигорони ширкаткунанда баҳогузорӣ шудааст.

Мувофиқи баҳои ҳакамон, ҷои аввал насиби Ҳумайрои Бахтиёр шуда, ҷойҳои дуюм ва сеюмро мувофиқан Ганҷина Ганҷова , хабарнигори радиои “Озодӣ” ва Ҳарамгули Қодир, рӯзноманигори мустақил соҳиб шуданд.

Лоиҳаи “Боло бурдани малакаи намояндагони ВАО оиди инъикоси интихоботи президентии соли 2013” аз ҷониби IWPR бо кумаки созмони ҷаҳонии дастгирии ВАО (IMS) амалӣ гардидааст. Омӯзиш дар доираи ин лоиҳа моҳи августи соли ҷорӣ оғоз шуда, моҳи декабр ҷамъбаст гардид. Дар он бештар аз 20 рӯзноманигор аз расонаҳои давлатӣ, мустақил ва байналхалқӣ иштирок намудаанд.

Мӯҳр

Хабарҳои монанд:

Сайрандеш

Муборак шавад! Махорати хуб, комати базееб, садои шуниданбоб, офарин.

Рости гап, хамин наворбардори Озодагонро ман хам як дуто куфтани будам. Чунки хамеша дар мусохибахо Хумоайробонуро кам намоиш медод. Ин камбудиашро хатто милисахои И.Сомони низ пай бурда буданд.

Ҷавоб диҳед Иқтибос Шикоят

Самарқанду Бухоро

Офарин! Муборак шавад! Дар оянда низ кушиш намо, то дастовардхои бештареро ноил гарди. Мувафақият дар зиндагиву корхои ояндаат хохонам!

Ҷавоб диҳед Иқтибос Шикоят

Мухочирбача

Офарин дар хакикат арзанда хастед апаи Хумайро

Ҷавоб диҳед Иқтибос Шикоят

Солех

Маводхои Харамгул ёдамба хаст, дигараш не!

Ҷавоб диҳед Иқтибос Шикоят

Фируз

Бехтарин, вокеан арзанда аст. Хумайрои гиромиро шодбош мегуем!