Русский  >>  فارسی  >>  Чоршанбе 7 декабр 2016, 00:56

SOS: Боз оташсӯзӣ дар бозори «Корвон»-и шаҳри Душанбе

8 август 2011, 03:56

Дар бозори “Корвон”-и шаҳри Душанбе, яке аз бузургтарин бозорҳои пойтахти Тоҷикистон оташсӯзӣ ба амал омада, чандин дӯкони фурӯши мол, бахусус мағозаи мавсум ба «Элегант» -ро фаро гирифтааст.


Ба гуфтаи шоҳидон, ҳодисаи оташсӯзӣ тақрибан ду соат қабл аз ин шурӯъ шуда, ба тадриҷ дарвозаи  дуюми бозор ва фурӯшгоҳҳои онро печонидааст.  Хабарнигори «Озодагон» , ки дар ҷои ҳодиса ҳузур дорад, мегӯяд, воҳидҳои сӯхторнишонӣ   15-20 дақиқа қабл аз ин ба маҳалли сӯхтор расида, ҳоло дар пайи хомӯш кардани оташанд.

Дар ҳоли ҳозир сабабҳои сар задани сӯхтор маълум нест. Сабаби эҳтимолии сар задани сӯхтор беэҳтиётӣ дар мавриди истифода аз қувваи барқ гуфта мешавад.  
Оташсӯзӣ дар худи бозори “Корвон” ҳодисаи аввали ба коми оташ фурӯ рафтани бозору фурӯшгоҳҳо дар пойтахт нест. Қаблан, бозори  «Саховат» ва бозорҳои “Шоҳмансур» ва маркази тиҷории «Наргис» дар Душанбе, дучори ҳодисаҳои мушобеҳ шуда буданд. Маврид ба тазаккур аст, ки оташсӯзӣ дар «Корвон» ҳудуди 4 маротиба дар ду соли ахир ба қайд гирифта шудааст. Тафсилоти бештар нашр хоҳад шуд. {jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!