Русский  >>  فارسی  >>  Шанбе 3 декабр 2016, 09:41

Ҳақназаров: “СНБ дар пайи нобудкунии хонаводаи Каримов аст”

28 декабр 2013, 13:04

Усмон Ҳақназаров, сиёсатшиноси узбак мегӯяд, раҳбарияти Хадамоти амниятии миллии Узбакистон дар пайи нобудкунии хонаводаи Ислом Каримов, раисиҷумҳури ин кишвар аст.

Ин таҳлилгари масоили сиёсии узбак, ки ахиран бо пардабардорӣ аз асрори хонаводаи рақами яки Узбакистон машғул мебошад, гуфтааст: “Маҳз бо дастури Рустам Иноятов, раиси Кумитаи амнияти Узбакистон, Алишер Азизхоҷаев -- собиқ мушовири раисиҷумҳури ин кишвар аз байн бурда шуд.” Ба қавли Ҳаназаров, Азизхоҷаев 9 январи соли 2012 дар дохили ҳавопаймои хатсайри Тошканд-Франкфурт тавассути пешхидмате, ки амри Иноятовро иҷро мекард, заҳролуд шуда, ба ҳалокат расидааст. Чун ӯ аз амалҳои пулшӯии раҳбарияти Кумитаи амнияти узбак хабар дошт.

Инчунин, Ҳақназаров бар ин аст, ки раҳбарияти Кумитаи амнияти Узбакистон барои расидан ба ҳадафи худ, дар мавриди пош хӯрдани хонаводаи Каримовҳо аз Ботур Эргашев, раҳбари Ассотсиатсияи саноати сабук “Узлегпром” ва яке аз мансабдорони бонуфузи узбак дар солҳои 2000 истифода кардааст.

Усмон Ҳақназаров таъкид мекунад, Эргашов бо дархости раиси Кумитаи амнияти Узбакистон тамоми ҷашнҳои милоди хонаводаи Каримовҳоро бо туҳфҳои гаронарзиш таъмин карда, шабнишиниҳои ин хонавода, аз ҷумла дар онҳое, ки Лола Каримова, духтари хурдии Ислом Каримов иштирок мекард, сармоягузорӣ менамуд. Ҳатто маблағҳое, ки барои муътод кардани хонум Лола масраф мешуданд, аз сӯи Эргашев пардохт мегардид. Албатта, дар ин ҳолатҳо Эргашов танҳо сармоягузор буд ва боқии амалҳо, бахусус ҷалб кардани диққати духтари хурдии раисиҷумҳури Узбакистон ба маводи мухаддир аз сӯи кормандони Кумитаи амнияти ин кишвар ва чеҳраҳои “харидашуда” аз атрофиёни ин оила иҷро мешуданд.

“Вале чун дар оғози солҳои 2000 Татяна Каримова, ҳамсари раисиҷумҳури Узбакистон ба гирифтани пулҳои ҳангуфт одат карду хонум Лола ба истифодаи маводи мухаддир, раҳбарияти Кумиати амнияти ин кишвар тасмим гирифт, аз ин “сармоягузор” халос шавад. Аз ин рӯ, Иноятов Эргашовро ба вазири умури дохилии Узбакистон фурӯхт. Яъне бо дастури Иноятов маъмурини пулис ба хонаи раҳбари Ассосиатсияи саноати сабук “Узлегпром” ташриф оварда, як миқдори калони маблағеро ҳангоми бозҷӯӣ пайдо карданд. Дар натиҷа Эргашов ба сактаи қалб дучор шуда, аз сабаби таъхири ҷарроҳӣ, ки бино ба набудани барқ дар беморхонаи давлатӣ, сари вақт анҷом дода нашуд, ба ҳалокат расиду садҳо сирро бо худ бурд. Маҳз бо дастури Иноятов барқ дар беморхона хомӯш шуда буд”,-меафзояд таҳлилгари масоили сиёсии узбак.

Усмон Ҳақназаров инчунин барои исботи нақша ва ҳадафҳои дигари раиси Кумитаи амнияти миллии Узбакистон дар бораи аз байн бурдани оилаи Каримовҳо душмании Гулнора Каримова, духтари бузурги Ислом Каримов бо раҳбарияти ин ниҳодро мисол меорад. Ҳақназаров бар ин аст, ки раиси Кумитаи амнияти миллии Узбакистон замоне бо Гулнора Каримова, душманӣ пайдо кард, ки ин хонум ба Иноятов дар масъалаи хусусӣ кардани "Ипотека-Банк" аз сӯи сармоягузорони рус бар ивази 160 миллион доллар садди роҳ шуд. Дар ҳамин ҳол Иноятов дарк кард, ки вақти аз байн бурдани Гулнора Каримова низ расидааст. Аз ин рӯ, ӯ дар аввал аз Шавкат Мирзоев, сарвазири узбак истифода карда, ширкати "Zeromax"-ро барҳам зад ва баъдан бо кумаки Кумитаи федеролии амнияти Русия ба мақомоти қудратии Шветсия асноди лозима дар бораи ришва гирифтан аз ширкати "Telia Sonera"-ро пешниҳод кард.

Духтари бузурги раисиҷумҳури Узбакистон хеле талош дорад, то аз ин қазия падарашро огоҳ карда, қонеъ созад, ки маҳз бо дастури Иноятов ӯро аз олами беруна маҳрум месозанд. Вале ин талошҳои хонум Каримова бенатиҷа анҷом ёфта, ӯро намегузоранд, то ба падараш наздик шавад ва ягона “мунис” ва макони ибрози дарди дилаш ин интернет гаштааст.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • olim

  • 28 декабр 2013 17:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ман намефахмам чаро точикон махз ба узбакистон часпидаанд.охир мегуянд ки почаканда ба беезор хандидааст
Посух додан
  • 56

  • 29 декабр 2013 09:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
а бача аз аморати бухоро хам гузаронд ку наход дар хама чо хамин хел бошад

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!