Русский  >>  فارسی  >>  Панҷшанбе 8 декабр 2016, 01:17

Пои Тоҷикистон дар баҳси Эрон бо миллиардер Бобак Занҷонӣ

29 декабр 2013, 10:57

Як вакили парлумони Эрон Бобак Занҷонӣ, миллиардери ин кишварро, ба сохтакорӣ муттаҳам карда, мегӯяд, иддаои ӯ дар мавриди пардохти қарзаш аз Теҳрон дурӯғ мебошад.

Саид Ҳайдарӣ, вакили парлумони Эрон аз минтақаи Кирмоншоҳ, дар як суҳбати ихтисосӣ бо хабаргузории нимарасмии “Форс” дар ин бора ибрози назар кардааст. Ҳайдарӣ гуфтааст, санаде, ки Бобак Занҷонӣ дар мавриди пардохти қарзи худ аз Вазорати нафт ба Кумиссиюн ироа кардааст, ҷаълӣ ё қалбакӣ мебошад. Ба қавли ӯ, баъд аз пайгирии парлумон ва мақомоти зирабти эронӣ, ин гувоҳномае, ки гӯиё аз Бонки марказии Тоҷикистон содир шудааст, сохта мебошад: “Баъд аз баррасиҳо дарк кардем, ки Бобак Занҷонӣ санади пардохти Бонки марказии Тоҷикистонро қалбакӣ намудааст.”

Ин намояндаи мардумии Эрон гуфт, парвандаи Занҷонӣ ҳатман аз сӯи парлумони ин кишвар ба баррасӣ гирифта мешавад. Бобак Занҷонӣ ахиран бо ироаи як гувоҳнома ба мақомоти эронӣ гуфта буд, тамоми қарзҳои хуро тавассути Бонки марказии Тоҷикистон ба Бонки марказии Эрон интиқол додааст. Вале мақомоти эронӣ баъд аз таҳқиқ муайян кардаанд, ки Занҷонӣ ҳеч маблағе ба Бонки марказии онҳо интиқол надодааст ва ин санад ё қалбакӣ мебошад ё бар ивази пардохти як миллион доллар содир шудааст.

Аз сӯи дигар, як намояндаи дигари парлумони Эрон мегӯяд, Занҷонӣ ҳангоми ироаи ин санад на танҳо иддао мекард, ки тамоми қарзи худро пардохт кардааст, балки ҳудуди 2 миллиард тумон низ аз давлати Эрон тақозо дошт. Вале ба гуфтаи ӯ, бо гузашти чанд рӯз аз ин иддаои худ дар мавриди ситондани 2 миллиард тумон даст кашидааст. Ин дар ҳолест, ки моҳи апрели соли равон Вазорати молияи Амрико Бобак Занҷониро дар «пулшӯӣ» ё қонунӣ гардондани маблағҳое ки аз фурӯши нафти Эрон ба даст меоянд, муттаҳам карда, нисбат ба ширкатҳои ӯ таҳримҳои иқтисодӣ ҷорӣ карда буд.

Номи Бобак Занҷонӣ, миллиардери эронӣ замоне дар Тоҷикистон маъруф ва сархати расонаҳои хабарии кишвар қарор гирифт, ки сармояҳои ӯ вориди Душанбе шуд. Дар Тоҷикистон ҳоло ду тарҳ, ширкати “Осиё Экспресс”, соҳиби нави автовокзали пойтахт ва бонки «Kont Investment Bank», ки қароргоҳаш дар Душанбе мебошад, ба Занҷонӣ марбут дониста мешаванд. Ахиран, парлумони Тоҷикистон низ бо ворид намудани тағйиру иловаҳо ба қонуни буҷа барои соли 2013 ширкати “Контгруп Тоҷикистон”-ро, ки зери тамғаи “Осиё Экспресс” фаъолият мекунад, аз пардохти 7 миллион сомонӣ озод кард. Қаблан низ парлумон ба ин ширкат сабукиҳоро ироа намуда буд.


Дар акс: Бобак Занҷонӣ (аз тарафи чап) бо Ҳамроҳхон Зарифӣ, вазири пешини умури хориҷии Тоҷикистон ва дигар мақомдорони кишвар. Ин акс тобистони соли 2013 дар саҳифаи Фейсбуки Занҷонӣ пайдо шуда, ҳамагӣ баъд аз ду рӯзаш "ғайб" зад.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • Хонанда

  • 29 декабр 2013 11:08
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
"ин санад ё қалбакӣ мебошад ё бар ивази пардохти як миллион доллар содир шудааст" /// Хамин дуввум ривояташ ба рост монандтар аст. Дар Точикистон бо пул хама корро карда мешавад. Пул дошта боши, одамора бо мошин зер карда меугзари ва чарима пардохт мекуни.
Посух додан
  • bankdor

  • 29 декабр 2013 12:08
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
тоҷикистон бонки марказӣ надорад, значитӣ даъвои эронихо низ беасос аст
Посух додан
  • hamed

  • 29 декабр 2013 13:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
in sourat bayad dar office kari aghaye ay mohammadov( haman kas ke roobaroo shishta )gerfta shoda bashad.aghaye zarifi ba an kas klhisho tabar ast.babak zanjani peroblem besyar darad. ham dar iran , ham dar turtsia va ham dar europ va amerika. in moshkelat kay goribane tajikestan begirad .khoda midand.albata ta be emrooz baraye tajikistan bad nashode ast. in kas mablagh haye ziyadi be in keshvar vared karda ast.
Посух додан
  • hamed

  • 31 декабр 2013 00:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
asalam. emrooz 2 shanbe babake zanjani ra dar iran bazdashat namoodand.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!