Додситонӣ даромади "дӯст"-и Рустами Эмомалиро месанҷад
Додситонии кулли Қирғизистон Ҷиргалбек Самадов, вакили парлумони ин кишварро аз ҳизби “Ота-Журт” барои бозпурсӣ даъват намуда, манбаъҳои даромади ӯро мавриди санҷиш қарор додааст.
Номи ин вакили қирғиз баъд аз он вирди забонҳо шуд, ки дар интернет навори видеоии тӯйи суннатӣ ё хатнасури писари ӯ ба чарх даромад. Дар ин навор дида мешавад, чӣ гуна вакили парлумони Қирғизистон бахшида ба тӯйи суннатии писараш бозии бузкашиеро барпо намудааст, ки гуфта мешавад, дар таърихи ин навъи бозӣ амсоли он ангуштшумор мебошад. Гуфта мешуд, Самадов ба муносибати тӯйи писараш аз дӯсташ Рустами Эмомалӣ, раиси Хадамоти гумрук ва писари раисиҷумҳури Тоҷикистон як аспи 20 ҳазор долларӣ туҳфа гирифтааст.
Худи Ҷиргалбек Самадов дар сӯҳбат бо “Озодагон” хабари дарёфти аспи 20 ҳазор долларӣ аз Рустами Эмомалӣ, писари калонии раисиҷумҳури Тоҷикистонро рад кард. Аммо намояндаи мардумии қирғиз дар сӯҳбат бо “Озодагон” хабари даъват шудани Рустами Эмомалӣ ба тӯйи писари панҷсолаашро, ки рӯзҳои 14 ва 15 декабри соли ҷорӣ баргузор гардид, таъйид кард. Ӯ гуфт, ба ҷои писари бузурги раисиҷумҳури Тоҷикистон дар ин маърака дар баробари дигар сиёсатмадорону мансабдорони давлатии хориҷӣ намояндагони ӯ иштирок намуданд.
Самадов иброз дошт, шояд сабаби ташриф наовардани Рустами Эмомалӣ таъин шуданаш ба мансаби нав бошад, ки чанде қабл ба курсии раиси Хадамоти гумруки Тоҷикистон нишаст.
Тӯйи суннатии писари панҷсолаи Ҷиргалбек Самадов рӯзҳои 14 ва 15 декабри соли ҷорӣ дар шаҳри Узгени вилояти Уши Қирғизистон баргузор гардида, дар он беш аз 20 ҳазор меҳмонони дохилию хориҷӣ иштирок намудаанд. Тӯйи писари ин намояндаи мардумии қирғиз муддати ду шабонарӯз идома ёфта, яке аз қазияҳои баҳсбарангез дар ҷомеаи ин кишвар ба шумор меравад. Дар ин навор дида мешавад, чӣ гуна вакили парлумони Қирғизистон бахшида ба тӯйи суннатии писараш бозии бузкашиеро барпо намудааст, ки гуфта мешавад, дар таърихи ин навъи бозӣ амсоли он ангуштшумор мебошад. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |