Дар «Мумирак»-и Кӯлоб обанбори бузургтарини минтақа бунёд мегардад

Субҳи имрӯз  президенти Тоҷикистон Эмомалӣ Раҳмон ҷиҳати анҷоми як сафари кории дурӯза вориди шаҳри Кӯлоб гардид.

---

Тавре хабарнигори маҳаллии «Озодагон» аз ин минтақа иттилоъ дод, боздиди райисҷумҳур аз  зиёрати оромгоҳи Мир Сайид Алии Ҳамадонӣ оғоз ёфт. Зимнан, бо иштироки президент дар маҳаллаи навбунёди Ваҳдат бинои нави мактаби таҳсилоти миёнаи умумӣ барои 240 ҷойи нишаст мавриди баҳрабардорӣ қарор гирифт. Бо омода гаштани ин бино шумораи ҷойҳои нишасти мактаб ба 1050 расид.

Маврид ба ёдоварист, худи ҳамин рўз дар ин маҳалла боз ду мактаби дигар ба истифода дода шуд, яке барои 970 хонанда дар ду баст ва дуввумӣ барои 2400 кас дар ду баст пешбинӣ шудааст.

Хабарнигори маҳаллии «Озодагон» ҳамчунин иттиллоъ дод, ки дар мавзеъи Мумираки шаҳри Кӯлоб санги асоси иншооти обнигаҳдорӣ барои захира кардани 10 миллион метри мукааб аз сӯйи Эмомалӣ Раҳмон гузошта шуд.

Сафари кории президенти Тоҷикистон ба шаҳру ноҳияҳои минтақаи Кӯлоби вилояти Хатлон идома дорад.{jathumbnail off}

Мӯҳр