Русский  >>  فارسی  >>  Сешанбе 6 декабр 2016, 05:47

Раҳмон дар паёми солинавӣ аз интихобот, соҳибкорон ва таътили хонандаҳо гуфт

1 январ 2014, 02:30

Эмомалӣ Раҳмон, раисиҷумҳури Тоҷикистон дар як паёми телевизионӣ тамоми ҳамватанонро бо соли нави мелодӣ табрик кард.

Ин паём чанд лаҳза пештар аз расидани соли 2014 намоиш дода шуд ва Эмомалӣ Раҳмон аз соли сипаришуда ба унвони соли “вусъати бесобиқаи корҳои ободониву созанда ва иқдому ташаббусҳои ватандӯстона” ёд кард. Ӯ ҳамчунин гуфт, “соли сипаришаванда дар ҳаёти сиёсиву иҷтимоии кишварамон бо баргузории интихоботи президенти мамлакат хотирмон аст”, зеро ба қавли раҳбари давлат “ин чорабинии муҳим боз як нишонаи фарҳанги баланди сиёсии мардуми Тоҷикистон, рамзи таҳкими суботу оромӣ, ваҳдати миллӣ ва болоравии эҳсоси ватандӯстиву худшиносии сокинони мамлакат гардид”.

Дар идомаи паём Эмомалӣ Раҳмон таъкид намуд, ки дар марҳалаи кунунии рушди миллӣ фароҳам овардани шароит барои таъмини зиндагии шоиста ба ҳар як шаҳрванди кишвар ҳадафи асосии давлат ва ҳукумати кишвар мебошад ва “барои расидан ба ин ҳадаф мо тамоми захираву имкониятҳои мавҷударо сафарбар кардаем”.

“Мо ҳамаи саъю талоши худро ба он равона месозем, ки дар соли 2014 низ тамоюли рушди иқтисоди миллӣ таъмин карда шуда, масъалаи таъмини уҳдадориҳои давлат оид ба ҳифзи иҷтимоӣ ва баланд бардоштани сатҳу сифати зиндагии аҳолӣ ҳамчун вазифаи аввалиндараҷа иҷро карда шавад. Илова бар ин, дастгирии соҳибкории хурду миёна, дар навбати аввал соҳибкории истеҳсолӣ ва ташаббусҳои созандаи соҳибкорон ҳамчун самти муҳими ҳамкории давлат ва бахши хусусӣ идома дода мешавад. Итминон дорам, ки дар ин раванд соҳибкорони бонангу номуси мо дар самти ташкили корхонаҳои нав, таъсиси ҷойҳои кории иловагӣ ва таҳкими имкониятҳои иқтисодии мамлакат иқдомоти ватандӯстона хоҳанд кард”,-афзуд раисиҷумҳур.

Эмомалӣ Раҳмон ҳамчунин ба он ишора кард, ки аз оғози соли нави мелодӣ хонандаҳои муассисаҳои таҳсилоти умумии миёна ба таътили якмоҳа мебароянд: “Ман ба кулли падару модарони арҷманд муроҷиат менамоям, ки дар ин давра ба масъалаи истироҳату фароғат, инчунин тарбияву худомӯзии фарзандони худ эътибори ҷиддӣ зоҳир намоянд. Шогирдони синфҳои болоӣ - хатмкунандагон ин фурсатро бояд барои омодагӣ ба имтиҳоноти дохилшавӣ ба мактабҳои олӣ, ки имсол бо тартиби нав доир мегардад, истифода кунанд”.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • Душанбе

  • 1 январ 2014 09:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сохибкорони бонангу номус, биёед, миллионхоятонро биёред ба Точикистон! Ба хусус сохибкорони кухистони аз Россия сармояхоятонро ба Ватан биёред ва Ватанро обод кунед. Мисли Зайд Саидов муваффак мешавед.
Посух додан
  • ВАЛИ.

  • 1 январ 2014 13:45
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Баромади Леонид Ильич БРЕЖНЕВ ШУД.
Посух додан
  • Ahmad

  • 1 январ 2014 22:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чигуна соҳибкорон бади зиндони шyдани Зайд Саидов ки сармояашро барои ободкории шаҳри Душанбе масраф кард ва марказро зеботар гардонд вале дар бадал зиндони шyд дигар сармоядорон бовар кунанк ки бади сармоягузори дар кишвар маҳфyз мебошад? Булхyсyс он сармоягузорон ки падарy модараш Тоҷики асил бошанд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
мо хамрохи шумо...!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!