Русский  >>  فارسی  >>  Панҷшанбе 8 декабр 2016, 17:00

Созмони Аврупо: Ба диндорон дар Тоҷикистон зиндон таҳдид мекунад

6 январ 2014, 09:16

Созмони ҳомии ҳуқуқи Аврупо зимни як раддабандӣ Тоҷикистонро ба рӯйхати кишварҳое ворид намудааст, ки ба диндорон дар он зиндон таҳдид мекунад.

Ин созмон бо пахши як гузориш таъкид намудааст, ки дар Тоҷикистон озодии дину ақида риоя намешавад ва соли гузашта низ зиндонӣ кардани шаҳрвандон барои ақида ҷой доштааст. Баробари Тоҷикистон ба ин рӯйхат боз 23 кишвари дунё, аз ҷумла Эрон, Чин, Арманистон, Озарбойҷон, Кореяи Ҷанубӣ, Русия, Покистон, Ҳиндустон, Индонезия, Қазоқистон, Қирғизистон, Лаос, Лубнон, Марокаш, Арабистони Саудӣ, Судан, Туркманистон, Узбакистон, Ветнам ва чанд кишвари дигар ворид шудаанд.

Ин дар ҳолест, ки дар Тоҷикистон ҳамасола ба иттиҳоми узвият дар созмонҳои гуногуни ифротию террористӣ даҳҳо нафар зиндонӣ мешаванд. Мақомоти тоҷик далели маҳдудсозиҳоро дар умури дин таъмини амният ва ягонагии марзии кишвар арзёбӣ мекунанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!