Русский  >>  فارسی  >>  Шанбе 10 декабр 2016, 06:05

Тоҷикистон, Узбакистон ва Қирғизистон дигар барои Пентагон хатарзо нестанд

7 январ 2014, 10:27

Тоҷикистон, Узбакистон ва Қирғизистон аз феҳрасти “кишварҳои хатарзо” берун шудаанд. Ин нукта дар матлабе, ки сомонаи Пентагон нашр кардааст, зикр мешавад.

Ба иттилои манбаъ, шурӯъ аз 1 июни соли 2014 ба кишварҳои “хатарзонабуда” нуҳ қаламрав - Тоҷикистон, Узбакистон, Қирғизистон, Тимори Шарқӣ, Гаити, Либерия, Умон, Руанда ва Аморати муттаҳидаи Араб ворид мегарданд.

Дар рӯйхати “хатарзоҳо” танҳо Ироқ, Афғонистон, Лубнон, Урдун, Покистон, Сурия, Яман ва Миср боқӣ мондаанд.

Вазорати дифои ИМА муайян кардааст, ки дар бисёре аз кишварҳо таҳдидҳои мустақим ба ҷони хизматчиёни ҳарбии амрикоӣ дар робита ба исёнҳои мардумӣ, ҷангҳои шаҳрвандӣ, терроризм ва ба ин монандҳо ба таври қобили мулоҳиза коҳиш ёфтааст.

Стив Уоррен, сухангуи Вазорати дифои Амрико гуфтааст, коҳиши феҳрасти “минтақаҳои хатарзо” имкон медиҳад, вазорати мазкур 100 миллион долларро сарфа кунад: “Тақрибан 50 ҳазор хизматчии ҳарбӣ аз маблағи барои “минтақаҳои хатарзо” пешбинишуда камтар мегиранд. Соли 2012 барои хатароти ногузир ҳудуди 500 миллион доллар пардохт кардем”.

Ба омори Пентагон, хизматчиёни ҳарбие, ки дар “навоҳии хатарзо” хизмат мекунанд, рӯзона 7.50 доллар мегиранд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!