Русский  >>  فارسی  >>  Шанбе 10 декабр 2016, 17:44

Таъхири мурофиаи зани тоҷики муттаҳам ба фоҳишагӣ дар Дубай

7 январ 2014, 15:41

Мурофиаи додгоҳии зани 29-солаи тоҷик, ки дар шаҳри Дубайи Имороти Муттаҳидаи Араб ба танфурӯшӣ муттаҳам мешавад, ба таъхир гузошта шудааст.

Дар ин бора ба “Озодагон” имрӯз, 7-уми январ аз консулгарии Точикистон дар Дубай хабар дода, афзуданд, ки санаи нави муҳокимаи парванда ҳанӯз маълум нест.

Ин дар ҳолест, ки ҳанӯз 21 октябри соли гузашта расонаҳои хабарии Дубай аз оғози муҳокимаи додгоҳии як шаҳрванди Тоҷикистон дар ин минтақа, ки бо иттиҳоми танфурӯшӣ боздошт гардидааст, хабар дода буданд. Ба навиштаи расонаҳои мазкур, ин шаҳрванди муҳокимашавандаи Тоҷикистон зани 29-солае мебошад, ки гӯиё дар моҳи шарифи Рамазон барои танфурӯшӣ ҳамроҳ бо як шаҳрванди Уммон боздошт шудааст.

Расонаҳои Дубай навишта буданд, қарор аст, додгоҳ баъд аз баррасии ҳамаи ҷузъиёти қазия ҳукмашро 18 ноябри соли 2013 эълон кунад. Аммо бо сабабҳои номаълум ба таъхир афтодааст. Ба иттилои манбаъ, ин зан ҳангоми мурофиа, иттиҳоми танфурӯширо рад карда, аз додрас хоҳиш намудааст, ӯро аз навзодаш ҷудо насозад. Ин зан, ки ба гуфтаи мақомоти тафтишотӣ аз ҷониби шахси номаълум ҳомиладор шудааст, инчунин дар вуруди ғайриқонунӣ тариқи баҳр ба Саудӣ муттаҳам мешавад.

Айбдоршаванда дар мурофиа гуфтааст, ӯ фоҳиша нест ва падари кӯдакаш як дӯстдоштааш ҳаст, ки кишварро баъд аз ҳомиладорияш тарк намудааст. Шаҳрванди 40-солаи Уммон, ки ҳамроҳ бо ин зани тоҷик боздошт шуда, барои ҷой додан ба як шаҳрванди ғайриқонунӣ муттаҳам мешавад, дар мурофиа изҳор доштааст, “бо ин зан ду ҳафта қабл аз боздошт дар як маркази дилхушии шабона шинос шудам ва ӯро ба хона даъват намуда, тӯли ин муддат барои таъминоташ маблағ ҳам додам.”

Ин шаҳрванди Умон изҳор доштааст, вақте дар бораи ҳузури ғайриқонунии ҳамзисташ фаҳмид, аз ӯ хоҳиш намуд, ки ҳуҷҷатҳояшро дуруст кунад. Пулис муайян кардааст, ки зани тоҷик ҳанӯз соли 2005 аз Арабистони Саудӣ ихроҷ шудааст ва тавре худи шаҳрванди Тоҷикистон иқрор шудааст, ӯ моҳи январи соли равон ба як зан маблағ дода, тариқи баҳр ба Фуҷайра ва аз он ҷо ба Дубай омадааст.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!