Русский  >>  فارسی  >>  Чоршанбе 7 декабр 2016, 17:31

ФФТ беҳтаринҳои футболи тоҷикро эълон мекунад

8 январ 2014, 08:20

Рӯзи ҷумъаи 10 январ маросими тақдими ҷоизаҳо ба беҳтаринҳои футболи тоҷик дар мавсими 2013 баргузор мешавад.

Тавре аз Федератсияи футболи Тоҷикистон хабар доданд, расми эълони беҳтаринҳо дар меҳмонхонаи “Ҳаят Реҷенси Душанбе” бо иштироки тимҳои ғолиби лигаҳои аввал ва олӣ, тренер, довар ва собиқадорони футболи кишвар ва меҳмонҳои фахрӣ доир мегардад.

Маҳз дар ин рӯз ба қаҳрамонҳои лигаи олӣ – “Равшан” (Кӯлоб), “Истиқлол” (Душанбе) ва “Хайр” (Ваҳдат), ғолибони лигаи аввал – “Саройкамар” (Панҷ), “Эсхата” (Хуҷанд) ва “Далерон-Уротеппа”-и Истаравшан нишонҳои тило, нуқра ва биринҷӣ тақдим хоҳад шуд.

Ба ҷуз ин, дар маросим исми “Беҳтарин дарвозабон”, “Беҳтарин ҳимоятгар”, “Беҳтарин нимҳимоятгар”, “Беҳтарин ҳамлагар”, “Беҳтарин нишонзан”, “Беҳтарин тренер”, “Беҳтарин довар”, “Беҳтарин легионер”, “Беҳтарин футболбози тоҷик, ки дар кишварҳои дигар бозӣ мекунад”, “Беҳтарин бонуи футболбоз”, “Беҳтарин бозигари футзал”, “Беҳтарин футболбози наврас” (дар се син), “Беҳтарин тренери кӯдакон” ва “Беҳтарин футболбози Тоҷикистон” эълон хоҳад шуд.

Дар гузашта ба унвони “Беҳтарин футболбози Тоҷикистон” шаш нафар даст ёфтаанд: Хуршед Маҳмудов аз ҳама бештар – чор маротиба (2005, 2006, 2008, 2011), Нуъмон Ҳакимов ду маротиба (2007, 2009), Аслиддин Хабибуллоев (2003), Анвар Норқулов (2004), Юсуф Рабиев (2010) ва Дилшод Восиев (2012) як маротибаӣ.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • 78

  • 8 январ 2014 09:42
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин футболи Точикистон чияй. Боз чоизаву хайхую вохима. Равед зиедтар машк кунед бозиро ед гиред.
Посух додан
  • Фан

  • 8 январ 2014 11:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Саройкамар табрик насиб кунад!!!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!