Русский  >>  فارسی  >>  Якшанбе 4 декабр 2016, 13:07

Маслиҳати “Глоб Спотс” барои сафари экстремалҳо ба Тоҷикистон

8 январ 2014, 15:18

Сафҳаи интернетии “Глоб Спотс”, ки сайёҳони мустақилро дар бар мегирад, Тоҷикистонро дар сархати кишварҳои ҷоллиб барои сайёҳони экстремалӣ дар соли 2014 қарор додааст.

Ба иттилои “Глоб Спотс” Тоҷикистон баъди Малта дуюмин кишварест, ки барои сайёҳони экстремалӣ хеле мусоид мебошад. Манбаъ таъкид мекунад, ки Тоҷикистон дар бунбасти коммуникатсионӣ қарор дорад ва ҳозир шудан ба ин кишвар аллакай худ як саргузашт аст: “Тоҷикистон як кишвари хурд, ки бо Афғонистон, Қирғизистон, Узбакистон ва Чин ҳамсарҳад мебошад ва ҳар сайёҳи дӯстдори истироҳати фаъолро мафтун мекунад.”

Дар мавриди тоҷикистониён масъулини “Глоб Спотс” навиштаанд, ки мисли мардуми дигари Осиёи Миёна хеле меҳрубону меҳмондӯст мебошанд: “Манзараи Тоҷикистон ягон касро бетараф намемонад. Пиряхҳо, кӯлҳои мусаффои кӯҳӣ, даштҳо ва чарогоҳҳои сабз, ки барои тамошои онҳо метавонед бо дучарха, мошин, хар ва пиёда равед. Роҳ ба Помир, ки миёни куҳсорони шарқу ҷануби кишвар мегузарад яке аз ҷойҳои машҳур барои саёҳати экстрималӣ аст.”

“Глоб Спотс” баробари Тоҷикистон ба даҳгонаи кишварҳои ҷолиб барои саёҳӣ Малта, Руминия, Серра-Леон, Индонезия, Литва, Ҳаитӣ, Сан-Том, Шпитсберген ва Бонайрро ворид кардааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!