Русский  >>  فارسی  >>  Душанбе 5 декабр 2016, 07:20

Гейтс дар бораи баландпарвозиҳои Буш ва нобоварии Обама

9 январ 2014, 16:21

Роберт Гейтс, собиқ вазири дифои Амрико дар китоби худ бо ишора ба мудохилаи раисҷумҳур Барак Обама ба корҳои Пентагон менависад, ки Обама ба стратегияи худ дар Афғонистон дучори нотавонӣ аст ва эътиқоде ба он надорад.

Хабаргузории “Форс”, ба нақл аз радиои Аврупо, менависад, китоби Роберт Гейтс бо унвони “Хотироти як вазири ҷанг” қарор аст, ҳафтаи оянда мунташир шавад, аммо хулосае аз он ва сарфаслҳои он дар расонаҳо мунташир шудааст.

Собиқ вазири дифои Амрико бо ишора ба мушкилоти Обама дар Афғонистон, менависад, Барак Обама аз ҷангҳои Ироқ ва Афғонистон, ки мероси Ҷорҷ Буш барои ӯ буд, нороҳат аст.

Роберт Гейтс ҳудуди 4,5 сол ба унвони вазири дифоъ дар давраи Буш ва Обама хидмат кард. Ӯ дар китобаш сиёсатҳо ва ҳадафҳои Ҷорҷ Буш дар Ироқ ва Афғонистонро соддалавҳона ва баландпарвозона мехонад.

Дар соли 2009 Обама стротегияи ҷадидеро дар Афғонистон пазируфт ва 30 ҳазор нерӯи низомии дигар ба Афғонистон фиристод ва дар соли 2010 низ генерал Девид Петроусро ба унвони фармондеҳи нерӯҳои эътилоф таъин кард.

Вай бо ишора ба ҷаласаи моҳи марти соли 2011 дар Кохи Сафед, менависад, ҳамон тавре, ки дар ҷаласа нишаста будам, ба ин фикр мекардам, ки раиси ҷумҳур ба фармондеҳаш эътимод надорад, наметавонад дар канори Ҳомид Карзай, раҳбари Афғонистон бимонад ва ба стратегияи худ эътиқоде надорад.

Вай дар китобаш мегӯяд, ки Барак Обама пайваста дар корҳои Пентагон мудохила мекунад, гарчанде мушовирони ғайринизомиаш дар корҳои низомӣ ихтисос надоранд.

Бо ин вуҷуд Роберт Гейтс кушта шудани Усома бин Лоданро яке аз пирӯзиҳои Барак Обама медонад ва мегӯяд, ки ин яке аз шуҷоъонатарин тасмимоте буд, ки ман дар Кохи Сафед шоҳиди он будам.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!