Рӯймол, ҳиҷоб, ниқоб ва ё сарлучӣ?
Як гурӯҳи ҷомеашиносон дар мавриди бо кадом шакли либос ҳозир шудани зани мусулмон дар назди умум назарсанҷиеро анҷом додаанд. Бар асоси ин назарпурсӣ дидгоҳи аз ҳама озоду либералтар оид ба занҳо дар ҷомеаи Лубнон ва аз ҳама муҳофизакор ё консервативӣ дар Арабистони Саудӣ ба шумор меравад.
Натоиҷи ин назарсанҷӣ, ки миёни сокинони бархе аз кишварҳои арабию мусулмоннишин, аз ҷумла Мисру Тунис, Ироқ, Арабистони Саудӣ, Лубнон, Туркия ва Покистон гузаронида шуд, дар торнамои Pew Research Center нашр гардидааст. Тибқи натоиҷи назарпурсӣ бонуи мусулмон дар ҷомеаи араб бояд, ҳадди ақал ҳиҷоб бар сар дошта бошад ва пӯшидани ниқоб барои ӯ чандон ҳатмӣ нест.
Ба иштирокдорони назарсанҷии мазкур 6 намуди шакли зоҳирии зан, аз қабили ниқобу шаклҳои гуногуни рӯсарӣ пешниҳод гардид, ки миёни онҳо навъи пӯшиши аврупоӣ бидуни рӯймол низ дида мешуд. Бештари назардиҳандагон аз миёни навъҳои ироашуда шакли рӯсариеро интихоб кардаанд, ки ранги сафед дошта, тамоми сару мӯй ва гӯшҳои занро бидуни чеҳрааш мепӯшонад.
Ин навъи рӯсариро 57%-и иштирокдорон аз Тунис, 52% аз Миср, 46% аз Туркия ва 44% аз Ироқ ҷонибдорӣ кардаанд. Агар 49%-и назардиҳандагони лубнонӣ аз пӯшидани либосҳои занонаи шакли муосиртар ҷонибдорӣ карда бошанд, беш аз 60%-и иштирокдорон аз Арабистони Саудӣ аз ниқобпӯшии занҳо тарафдорӣ кардаанд, ки ба ҷуз чашмони зан ҳама пӯшида мебошад. Инчунин, ин назарсанҷӣ нишон дод, ки тарафдорони ниқобпӯшии занҳо дар Покистон низ кам нестанд ва ҳудуди 32 дарсади иштирокдорони покистонӣ ба ҷонибдории ин намуд раъй додаанд. Беш аз 31%-и назардиҳандагон аз ниқоби суннатии рангаш сиёҳ тарафдорӣ карда, ҳар нафари чаҳоруми онҳо бошад, ба рӯймоли сафед афзалият додаанд.
Бар асоси назарсанҷии мазкур, шумораи зиёди иштирокдорон аз ҳузури зан дар ҷомеаи мусулмонӣ бо рӯсарӣ ҷонибдорӣ кардаанд. Вале дар баъзе аз кишварҳо назардиҳандагон гуфтаанд, барои занҳо бо рӯсарӣ ҳозир шудан дар назди умум чандон муҳим нест. Бахусус 32%-и иштирокдорони туркӣ бар инанд, ки зан метавонад, бидуни рӯсарӣ ба ҷойҳои ҷамъиятӣ ҳозир шавад. Дар Тунис низ 15%-и назардиҳандагон аз ҳузури зан бидуни рӯсарӣ дар ҷойҳои ҷамъиятӣ ҷонибдорӣ карда, 23% -и дигари иштирокдорон гуфтаанд, зан метавонад, танҳо бо бар кардани рӯймоли одӣ ба сар иктифо кунад.
Муаллифони назарсанҷӣ, инчунин, ба иштирокдорон суолҳо дар бораи озод будани зан дар мавриди интихоби навъи либосро низ додаанд. Ба озодии зан дар интихоби шакли либос 56%-и иштирокдорон аз Тунис, 52% аз Туркия ва ҳуҳуди 50% аз Лубнон овоз додаанд.
Дар ҳамин ҳол, дар Арабистони Саудӣ, ки бештари иштирокдорон ҷонибдори пӯшидани рӯсариҳои суннатӣ мебошанд, 47%-и назардиҳандагон аз озод будани зан дар интихоби пӯшиши либос назар додаанд. Шумораи ин навъи назардиҳандагон дар Миср ба 14 дарсад мерасад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |