13 янв 2014 08:17Тоҷикистон / Иқтисодӣ / Видео

VIDEO: Қисми зиёди бозори "Саховат" ба коми оташ рафтааст

Шаби гузашта қисми зиёд ё аслии бозори марказии шаҳри Кӯлоб, ки бо номи “Саховат” маъруф аст, ба коми оташ рафтааст. Чанде аз сокинони Кӯлоб бо хабаргузории “Озодагон” тамос гирифта, дар ин бора иттилоъ доданд.

Ба қавли мусоҳибони мо, сӯхтор тақрибан соати 23:30-и 12 январ иттифоқ уфтода, бештар раф ё гузари матоъфурӯшонро ба коми худ фурӯ бурдааст. Сӯҳробшои Фаррухшо, сухангӯи ҳукумати Кӯлоб, низ бо тасдиқи ин хабар гуфт, “барои хомӯш кардани сӯхтор оҷилан 16 автомашинаи сӯхторнишонӣ, чор мошинаи обкаш ва ду мотопомба сафарбар шуда, баъд аз се соат сӯхтор хомӯш карда шуд.”

Оқои Фаррухшо мегӯяд, бар асоси тахминҳои пешакӣ сӯхтор гӯиё аз ҳисоби расиши ноқилҳо дар яке аз нуқтаҳои фурӯш ба амал омадааст: “Тибқи ҳисобҳои пешакӣ дар пайи ин сӯхтор 96 мағоза ва 382 нуқтаи савдо зиён дида аст. Масоҳати бозори “Саховат” дар маҷмӯъ 3,1 га-ро ташкил мекунад, ки ба ғайр аз қисмати фурӯши либос ҳамчунин дорои бинои пӯшидаи савдои маводи ғизоӣ низ мебошад, ки ин қисмати бозор осеб надидааст.”

Мақомот мегӯянд, айни замон барои рӯшан кардани иллати аслии сӯхтор комиссияи давлатӣ таъсис ва таҳқиқи фоҷеа оғоз ёфтааст. Дар гузашта, моҳи марти соли 2009 низ, ҳудуди 20 дӯкони бозори “Саховат”-и Кӯлоб сӯхта буд.

Ин навор аз Ютюб гирифта шуд:

Мӯҳр

Хабарҳои монанд:

Такдируллох

Навмед набояд шудан аз гардиши айём,
Хар шом, ки ояд зи паи он сахаре хаст.

Худоё мушкили ин бандагонатро осон кун!!!

Ҷавоб диҳед Иқтибос Шикоят

Аброр

бояд касе чавоб гуяд акалан раиси шахр ва раиси бозор аз кор озод шаванд...

Ҷавоб диҳед Иқтибос Шикоят

Кулоби

бо комира вазифа дар кор шид, ай дастаи и яхел шкамхрора хонаи чанд мусалмон сухт, то кай итари корои ношоиста мекнан и вазифадустора нахо амтари кнен кош бо чзои мардакора бар гардонен афсус умедворам Худованд дар дили чаноби оли инсофро меандозад то ки ин зарардихандахора беназорат нагузоран

Ҷавоб диҳед Иқтибос Шикоят

аз Кулоб

свет набуд ин чи хел аз барк мешавад,
Ин Бозор посбон надошт, ки аз чор тараф сухт

Ҷавоб диҳед Иқтибос Шикоят

сохибкор аз кулоб

озодагон, кадом мусохибони шумо инчунин хабари аблахона доданд. хабарнигори худатон кучо шуд, ки хабар намедихаду аз корманди хукумат сухробшо, ки барои хукуматдорон сухангуи мекунад, интервю мегиред. хонаи мардуми савдогар сухту ино бошанд мегуянд дар 2-соат сухтор хомуш карда шуд. имон надоранд ин хукуматихо. озодагон, шумо аз кормандони худатон истифода баред, на аз хукуматчихо.
барои фахмидани асли вокеа Пайку СССР шояд маълумоти аник диханд.

Ҷавоб диҳед Иқтибос Шикоят

Ширинкалом

Хонандагони гироми худ казоват кунед Чаро бозори Корвон сухт??? Чаро бозори Кургонтеппа сухт??? Чаро бозори Кулоб сухт??? ин навбат Бозори Хучанд месузад сабабхояш маълум боз кадом мансабдоре сумаш зиёд шидаст ки мехохад дар инча Магазин кунад. Бовар кунед инро ташкил кардагиян шояд шояду шояд чунин шуда бошад.

Ҷавоб диҳед Иқтибос Шикоят

Эзоҳ илова кунед