Русский  >>  فارسی  >>  Якшанбе 11 декабр 2016, 14:52

Иттиҳоди Аврупо хостори муҷозоти омилони латту кӯби Шукуров шуд

13 январ 2014, 16:51

Дафтари Иттиҳоди Аврупо дар Тоҷикистон аз раҳоии Абдураҳим Шукуров, наворбардори “Озодагон” аз боздошт, ки 26 декабри 2013 иттифоқ уфтода буд, истиқбол карда, аммо аз мақомоти кишвар таҳқиқи фаврии ин ҳодиса ва муҷозоти омилонашро талаб кардааст.

Дар изҳороти Намояндагии Иттиҳоди Аврупо дар Тоҷикистон, ки рӯзи 13 январи соли ҷорӣ нашр гардид, аз ҷумла омадааст, “Намояндагии ИА дар Тоҷикистон аз боздошт ва латту кӯби Абдураҳим Шукуров, наворбардори Оҷонси иттилоотии "Озодагон" изҳори нигаронӣ намуд.”

Ин ниҳод дар идома аз мақомоти Тоҷикистон хостааст, омилони латту кӯби наворбардори “Озодагон” ба ҷавобгарии ҷиноӣ кашида шаванд. Инчунин намояндагии Иттиҳоди Аврупо дар Тоҷикистон, аз ҳукумати кишвар даъват кардааст, то барои рӯзноманигорон ба хотири бе тарсу ҳарос адо намудани вазифаҳои касбияшон шароити мусоидеро фароҳам орад, ки онро уҳдадориҳои байналмилалӣ талаб мекунанд.

Намояндагии ИА гуфтааст, барои ҳамкорӣ бо ҳукумати Тоҷикистон дар самти дастгирии фаъолияти озодонаи ВАО ҳамеша омодааст.

Абдураҳим Шукуров, наворбардори хабаргузории “Озодагон”, зӯҳри 25 декабри соли гузашта ҳангоми наворбардорӣ аз рафти таҷаммӯи наздикон ва ҷонибдорони Зайд Саидов дар назди боздоштгоҳи муваққати шаҳри Душанбе дастгир шуд. Ӯ ба иттиҳоми майдаавбошӣ ба муддати 7 шабонарӯз ба ҳабси маъмурӣ аз сӯи додгоҳи ноҳияи Исмоили Сомонии пойтахт маҳкум гардида буд. Аммо баъд аз як шабонарӯз дар пайи исрори ҷомеаи журналистии тоҷик додгоҳи шаҳрии пойтахт ҳукми аввалиро лавғ карда, бо ҷарима бастани Шукуров дар ҳаҷми 320 сомонӣ ӯро аз боздоштгоҳ раҳо кард.

Ин дар ҳолест, ки наворбардори "Озодагон" таъкид мекунад, ки ӯ бегуноҳ ва ин иттиҳомот алайҳаш асос надоранд.


Шарҳи худро бинависед:

Ном:*
E-Mail:
Матни шарҳ:
Посух додан
  • лола

  • 13 январ 2014 17:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
дига гап наёфтен бнависен як дуруга навистен шукуров кучо ИА кучо шайтонзодагон
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худат хам ба шайтонхо бисёр монанд менамои Лола. Агар номи аслиатон ин бошад туро факат нола кардан даркор
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Духтарам, дуруг нагу.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!