Русский  >>  فارسی  >>  Ҷумъа 9 декабр 2016, 08:52

Ташкили стипендияи ҲХДТ барои донишомӯзони фаъол

14 январ 2014, 09:31

Дафтари Ҳизби халқӣ-демократии Тоҷикистон (ҲХДТ) дар ноҳияи Ҷалолиддини Румӣ, ба донишомӯзони фаъоли ин минтақа стипендияи махсус медиҳад.

Тибқи иттилои торнамои расмии ҲХДТ, Раёсати намояндагии ин ҳизб дар ноҳияи Ҷалолиддини Румӣ, далели ин иқдоми худро, дастгирӣ ва ҳавасмандкунии фаъолияти эчодию баланд бардоштани маънавиёт арзёбӣ намудааст. Ба иттилои манбаъ, ҳоло дар ноҳияи мазкур 10 нафар аз донишомӯзони фаъол аз ҳисоби ҲХДТ стипендияи вижа мегиранд.

Ин дар ҳолест, ки қаблан раҳбарияти ҳукумати вилояти Суғд ба намояндагии Ҳизби наҳзати исломии Тоҷикистон дар ин минтақа, ки мехост, аз сад донишҷӯи фаъол қадрдонӣ кунад, иҷоза надод. Ин дафтари ҲНИТ бо ирсоли як нома ба унвони Абдураҳмон Қодирӣ, раиси вилояти Суғд барои баргузории ин маҳфили қадрдонӣ толор ва номгӯи 100 нафар донишҷӯёни фаъолро хоста буд. Аммо посухи манфӣ гирифт.

Дар номаи ҷавобии ҳукумати Суғд ба намояндагии ҲНИТ дар ин минтақа, аз ҷумла омада буд, ки “ин иқдоми Шумо зидди моддаи 3-и Қонуни Тоҷикистон дар бораи маориф ҳаст, чун мутобиқи он дар муассисаҳои таълимӣ тарғиб, таъсис ва фаъолияти сохторҳои аҳзоби сиёсӣ, ҳаракатҳои сиёсии ҷамъиятӣ ва динӣ манъ аст. Ҳамзамон донишҷӯёну аспирантҳои муассисаҳои таълимии ҳудуди вилоят бо тартиби муқарраргардида аз сӯи мақомоти маҳаллӣ андозаи муайяни стипендияҳо пардохт мешавад ва маъмурияти донишгоҳҳо низ баҳри амалӣ гардонидани сиёсати пешгирифтаи ҳукумат барои дастгирии табақаҳои ниёзманди аҳолӣ донишҷӯёнро пайваста бо кумакҳои моддӣ фаро мегирад.”

Ҳизби халқӣ-демократии Тоҷикистон, ки раҳбарии онро, Эмомалӣ Раҳмон, раисиҷумҳури кишвар бардӯш дорад, соли 1994 таъсис ёфтааст. Дар ҳоли ҳозир беш аз 200 ҳазор узв дорад. То кунун Эмомалӣ Раҳмон, раиси ҲХДТ, дар се интихоботи гузаштаи президентӣ иштирок карда, пирӯз шудааст.
/color]


Шарҳи худро бинависед:

Ном:*
E-Mail:
Матни шарҳ:
Посух додан
  • Яъкуб.

  • 14 январ 2014 10:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ачаб сиесат...ХНИТ ро намемонанд ба донишчуен кумак кунанду ХХДТ бо овозаву таърифу тавсиф кумак мекунад....
Посух додан
  • Саид

  • 14 январ 2014 10:41
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чи дуругу чи шармандагие! Аввалн ин таклид ба амали ХНИТ аст! Дуюм чаро макомот вакте ин корро ХНИТ кардани буд чунин бахона оварданд: "ин қидоми Шумо зидди моддаи 3-и Қонуни Тоҷикистон дар бораи маориф ҳаст. Чун мутобиқи он дар муассисаҳои таълимӣ “тарғиб”, таъсис ва фаъолияти сохторҳои аҳзоби сиёсӣ, ҳаракатҳои сиёсии ҷамъиятӣ ва динӣ манъ аст"! Пас чаро холо "сохторҳои аҳзоби сиёсӣ, ҳаракатҳои сиёси" намегуянд!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Нахзат маладец ёд дод ёрдам кардана
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Вақте ҲНИТ ким кайҳо ба ҳукумати Хуҷанд пешниҳод кард, ки то рӯйхати донишҷуёни аълочии ин вилоятро ба онҳо пешкаш кунанд, то ин ки ҲНИТ ба анҳо мукофотпули ҳамчун идрор муайян кунад, ҳукумати вилояти тарсончак аз тарс ин пешниҳоди ҲНИТ рад намуданд!

Редаксия Шумо ҳам аз шимол ҳастед чи ин қадар сахт метарсед аз навистаҳои ман ки онҳоро нашр намекунед!
Бедор шавед! Набошад тақдири Зайду вай операторатон ба сари Шумо ҳам хоҳад омад! то бай кай метарсед! Аз Олга Татабулина сабақ гиред!
Посух додан
  • ХХДТ

  • 14 январ 2014 12:10
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хайрият ки хамин ХНИТ ба студентхо кумак карду ХХДТ ёд гирифт ё хайр намегуям аз руи рашк, акун ба студенхо стипендия медиханд. Неким хамин стипендияро боз мисли корхои дигар тагобозию черезбози накунетон то савоб гиреду як камбагалстудентро дастгири кунед.
ХНИТ-хо илстимо боз ягон идеяи дигар фикр кунед ки мо боз ёд гирем! илтимос!
Посух додан
  • Ман

  • 14 январ 2014 14:41
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Донишчуёон дар тамоми шахрхову нохияхои ТЧК хастанд, барои чи факат ба ин нохия будааст?!
Посух додан
  • шахид

  • 14 январ 2014 19:04
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ёд гирфтана ку ёд гирифтестан пештар аз инам масалахой дигарам будан,ки аз хнит ёд гирифтан мисли мусобикай курон,ки хнит аввал дар нохияхо ва умумичумхури баргузор карда буд тачлил аз бузургони дин мисли эмоми аъзам,ки хнит аввалин шуда аз дастгохи президент барой баргузории он дар сатхи баланд бо иштироки хоричиён ичозат хоста буд ки надодан ва баъдан худашон соли эмоми аъзам эълон карданд,ки албата гарчи хнитро ичозат надодан вале ахдофи хнитро худой бузург бо ин шакл амали менамояд ва...........

Ахиран як хабарро хондам се нафар донишчуро,ки аз тарафи хукумат барой касби илму тахсил кумак шуда буданд ба додгох кашидаанд барой хар яки онхо хукумат25000$ сарф карда будааст,ки хозир ду баробари онро мурда-мурда кашида гирифтаниянд, ки худо медонад онхо чи кадари дода баъд онхоро кабул када бошанд так что эхтиёт кунед мачбур нашавед чанд баробар боз чуброн пардозед.........

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!