Русский  >>  فارسی  >>  Ҷумъа 9 декабр 2016, 20:24

Туман дигарбора кори фурудгоҳи Душанберо халалдор кард

14 январ 2014, 09:46

Фурудгоҳи байналмилалии Душанбе мегӯяд, ба далели фаромадани туман қабулу гусели тайёраҳо дар пойтахт ба таъхир гузошта шудааст.

Тибқи иттилои Маҳмадюсуф Шодиев, сухангӯи Фурудгоҳи байналмилалии Душанбе аз соати 19:00 санаи 13 январ фазои фурудгоҳи Душанберо тумани зич фаро гирифта, боиси ворид намудани тағйирот дар ҷадвали парвозҳо гардид. Ӯ гуфт, ҳарчанд фурудгоҳи Душанбе барои қабул ва гусели ҳавопаймоҳо пурра омода аст, аммо нишастани ҳавопаймоҳо бо қарори сарнишинони ҳавопаймоҳо сурат мегирад.

Ӯ афзуд, ба далели туман бархе аз тайёраҳо дар фурудгоҳҳои Хуҷанду Тошканд фуруд омада, қисмате вақти парвозашонро аз шаҳрҳои Русия ба Душанбе ба таъхир гузоштанд.

Дар ҳамин ҳол бино ба иттилои ҳавосанҷҳо тумани ғафс дар фазои фурудгоҳи Душанбе эҳтимол то соатҳои 10-11 боқӣ монад. Масъулини фурудгоҳ мегӯянд, бо барканор рафтани туман қабул ва парвози ҳавопаймоҳо шурўъ хоҳанд шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!