Русский  >>  فارسی  >>  Ҷумъа 9 декабр 2016, 12:43

Интиқоди Раҳмон аз бонкҳо, лимити барқ ва хушхабари Қосим Қосимов

15 январ 2014, 13:25

Эмомалӣ Раҳмон, раисиҷумҳури Тоҷикистон, имрӯз, 15-уми январ дар ҷаласаи васеи ҳукумат аз бонкҳои кишвар, аз ҷумла хароҷоти барзиёду бесамар дар Бонки Миллӣ ва 20 сол боз ҳал нашудани мушкили барқ дар кишвар изҳори нигаронӣ кардааст.

Ба иттилои дафтари матбуоти раисиҷумҳури Тоҷикистон Эмомалӣ Раҳмон зимни ҳисоботи раиси Бонки миллии Тоҷикистон Абдуҷаббор Ширинов, аз хароҷоти зиёд ва ғайриҳадафмандонаи дохилии ин бонк ва ҳамчунин нокифоя будани фаъолияти он барои ҷалби маблағҳои инвеститсионӣ ва дастгирии соҳибкории хусусӣ изҳори нигаронӣ кардааст.

Дафтари матбуоти раисиҷумҳури Тоҷикистон мегӯяд, Эмомалӣ Раҳмон аз камбудиҳои ҷиддӣ дар фаъолияти Бонки давлатии амонатгузории Амонатбонк ва бонкҳои саҳҳомии ҷумҳурӣ низ изҳори нигаронӣ кардааст: “Раисиҷумҳур таъкид кард, ки фаъолияти хуб ва ба меъёрҳои ҷаҳонӣ мутобиқи бонкҳо аз ҷумлаи омилҳои муҳими рушди иқтисодиёт ба шумор меравад.”

Ба иттилои манбаъ сипас вазири энергетика ва захираҳои об Усмоналӣ Усмонов ҳисобот дода, иттилоъ расонд, ки ифтитоҳи маркази барқу гармидиҳии рақами дуи шаҳри Душанбе ва ба кор даромадани маркази нави барқтақсимкунандаи 220 киловолтаи нерӯгоҳи обии Норак аз ҷумлаи намоёнтарин натиҷаҳои фаъолият дар соҳаи энергетикаи кишвар дар соли 2013 мебошад. Ӯ гуфтааст, ҳоло корҳо барои сохтмон ва васли таҷҳизоти маркази нави барқтақсимкунандаи 500 киловолтаи нерӯгоҳи обии Норак, навсозии нерӯгоҳҳои Қайроққум, Бойғозӣ, Сарбанд, кашидани хатҳои нави интиқоли нерӯи барқ ва дар маҷмуъ дар ин соҳа 7 лоиҳаи сармоягузории хориҷӣ мавриди татбиқ қарор дорад, ки маблағи умумии онҳо баробар ба зиёда аз 600 миллион доллари амрикоӣ мебошад.

Дар робита ба энергетика Эмомалӣ Раҳмон таъкид кардааст, ки “Тоҷикистон дар солҳои истиқлоли давлатии худ барои истеҳсоли 1000 мегаватт/соат нерӯи барқ иқтидорҳои нав бунёд намуд, вале мушкили норасоии нерӯи барқ дар фасли зимистон бартараф нагардидааст.

Дафтари матбуоти раисиҷумҳури Тоҷикистон мегӯяд, Эмомалӣ Раҳмон бо зикри ин ба роҳбарияти Вазорати энергетика ва захираҳои об дастур дод, ки барои бартараф намудани ин ҳолат чораҳои муассир амалӣ намоянд: “Аз ҷумла таъкид гардид, ки барои то 400 мегаватт/соат афзун намудани иқтидори маркази барқугармидиҳии шаҳри Душанбе, бунёди дигар марказҳои барқугармидиҳии бо ангишт фаъолияткунанда, нерӯгоҳҳои хурду миёнаиқтидори обӣ, аз ҷумла нерӯгоҳҳои Себзору Санобод дар Вилояти Мухтори Кӯҳистони Бадахшон тадбирҳо амалӣ карда шаванд.”

Шавкат Бобоев, вазири саноат ва технологияҳои нав зимни ҳисобот, аз ҷумла иттилоъ додааст, ки дар соли 2013 322 корхонаи нави саноатӣ бо 9632 ҷойи корӣ сохта ба кор дароварда шуд: “Тибқи маълумоти ӯ истеҳсоли маҳсулоти саноатӣ дар ҷумҳурӣ ва содироти он ба хориҷи кишвар сол ба сол афзоиш меёбад. Дар соли 2013 ба андозаи 1 миллиарду 70 миллион сомонӣ маҳсулоти саноатӣ ба хориҷи кишвар содир гардидааст.”

Эмомалӣ Раҳмон ба масъулини саноат барои ҷалби ҳарчи бештари сармояи дохилию хориҷӣ, бунёди корхонаҳои нави саноатӣ ва муҳайёсозии ҳазорон ҷойҳои корӣ супориш додааст.

Вазири нақлиёт Хайрулло Асоев дар ҳисоботаш гуфтааст, дар соҳа бо харҷи 1 миллираду 156 миллион доллари амрикоӣ маблағҳои дохилию хориҷӣ лоиҳаҳои зиёд амалӣ мегарданд. Ба иттилои дафтари матбуоти раисиҷумҳури Тоҷикистон зимни ҷаласаи васеи ҳукумат аз иштироки соҳибкорони ватанӣ ва аҳолии саховатпеша дар навсозии роҳҳои маҳаллӣ низ изҳори хушнудӣ карда шуд.

Манбаъ афзуд, ки вазири кишоварзӣ Қосим Қосимов, аз истеҳсоли наздики 1 миллион тонна ғалладона хабар дода, таъкид намудааст, ки супориши президенти кишвар ба расондани истеҳсоли солонаи картошка ба 1 миллион тонна бори аввал иҷро гардид: “Дар соли 2013 1 миллиону 115 ҳазор тонна картошка истеҳсол шуд. Нақшаю барномаҳои бунёди боғу токзори нав ба барқарорсозии боғоти кӯҳна ҳам бонизом иҷро мегарданд. Бахшҳои чорводорӣ, парандапарварӣ ва моҳипарварӣ низ сол ба сол ба марҳилаи рушди босубот ворид мешаванд.”

Дафтари матбуоти раисиҷумҳур мегӯяд, феълан ҷаласаи васеи ҳукумат идома дорад.


Шарҳи худро бинависед:

Ном:*
E-Mail:
Матни шарҳ:
Посух додан
  • Rahim

  • 15 январ 2014 13:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Маълумотхои вазирхо, алалхусус дар бораи як миллион тонн картошка бардуруг ва мухоботи омори мебошад!
Посух додан
  • Шариф

  • 15 январ 2014 13:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Охир ин Косим Косимов чи хабари хуш гуфтаст?
Душанбе эхтиёт кунад ки ин одам фикри пайвастан ба Тошкандро дорад
Посух додан
  • Харидор

  • 15 январ 2014 13:53
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар як миллиот тонна картошка бошад, пас ба хар сари ахоли 150-200 килои мерасидааст. Боз аз Покистону Эрону Хитою...картошка меояд. Хамаи ин кучост, ки як кило картошка 3-4 сум шудааст?
Rahim,
Посух додан
  • картошкахур

  • 15 январ 2014 14:01
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ассиёка ин косимчон ако картошкахои покистону хитоям хисоб кадаги дия...
Посух додан
  • холис

  • 15 январ 2014 14:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Касам мехурам хаммаи ин хисоботхо дуруганд. Ба чашми сардори давлату халк хок пошидан аст. Бисту ду сол боз гап хамин сад фоиз шароит хуб аст. Куртаи сафеду галстук баста дургуи хиенат аст.
Посух додан
  • Кайрокчи

  • 15 январ 2014 14:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Косим Косим вориди картошкахои покистониро дар назар дорад, ки точирони авгон дар шакли микёсан калон ба бозори Точикистон меоранд ва ин навъи картшкаи покистони саропо кимиёи буда инсонро хатари гирифтории касалии саратон аст.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чаноби косимов бо рохбари давлата фиреб мети агар галаи ту як милиона гузашта бошаду картошкат аз ин зиед хе то зелени бозора кани галаи точику кани картошкаш хайфи ту
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Масъалаи марзхои точику киргиз барои чи дар ХукуматиЧумхурии Точикистон. чидди. Омухта замешана.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
322 корхонаи саноати??? бо 9632 одам чои кор?
9632 : 322 = 29(груба) яъне хар як корхонаи саноити ки ном мебаред 29 одам кор мекунад. яъне хулоса баровардан мумкин, ки магазаин, киоск,дукони пояфзол, китобхона, осиёб, обчиёз,= мешавад 322 корхона.
Бар х,оли ту мегирямо, х,ар лахзае мемирамо,
Эй халк, халк,и содадил бо андух,у тиморх,о
Посух додан
  • Ҷомӣ

  • 15 январ 2014 15:42
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Вой бар ҳоли ин Миллат бо ин Ҳукумат! марз дар хатар Қирғизистон сафирашро фаро хонд марзҳоро баст ва равобит дар ҳоли сард шудан аст аммо мавзуи доғи ҷаласаи Ҳукумат КАРТОШКА ва КАДУ ва ҒАЛЛА
Ҷаласаҳои Ҳукумати Амр Олимхон ба ёд меояд !!!!!!!!!!
Посух додан
  • точик

  • 15 январ 2014 16:09
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин аьзоени мачлиси чамшударо рост ба сархади киргизистон бурдан даркор ки мачлисро хамон чо гузаронда вазьиятро ором карда марзро кушоянд. Ана ин кори асоси дар хамин шабу руз аст.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Belissimo
Посух додан
  • Точик

  • 15 январ 2014 17:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бародар Холис! Инчо хок пошидан ба чашми "сардори давлату халк" хок пошидан гуфтан нодуруст аст. Ба чашми мардум хок мепошанду халос. Чаноб ин дуругхоро нагз медонад ва худаш талаб мекунанд ки чунин дуругхо гуфта шавад. Наход то имруз ин хакикатро нафахмида бошед.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамино як бор мегуфта бошанки, 80% фоизи халк бе барк, дар зимистони хунук зиндаги ба сар мебаранд. Е ин чиновнико факат тушкаю,каду гуфта мешина. Хаму тушкаям кати каду паду аз району кишлоко мебиеяку. А бачахо гумуш кууу, ба халки мехнаткаш кай барк меша.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Илхом,
ия ба фикрум ай дафтари ягон навераш нависта гирифтагиай, а бача зик наша. Ие хамаш дар мАРСАН.
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!