Русский  >>  فارسی  >>  Душанбе 5 декабр 2016, 19:35

Парванда дар пайи ҷанги сокинони Хӯҷаҳо ва Қалъаи Дӯсти Ғончӣ

16 январ 2014, 12:18

Раёсати умури дохилии Суғд мегӯяд, дар робита ба муноқишаи сокинони деҳаи Хӯҷаҳо ва Қалъаи Дӯсти ноҳияи Ғончӣ бар асоси моддаи 237-и Кодекси ҷиноии кишвар, яъне авбошӣ, парванда боз намудааст.

Акбар Шарифов, сухангӯи раёсат дар сӯҳбат бо “Озодагон” гуфт, тафтишот ҳанӯз ба поён нарасида, мушаххас нест, киҳо ва ё кадом гуруҳ дар ин қазия даст доранд. “Ҳарчанд баъзе номҳо маълуманд, вале тафтишот ин ҳамаро мушаххас мекунад ва баъдан расман иттилоъ хоҳем дод”,-афзуд ӯ.

Аз ин пештар, мақомоти ҳукумати Ғончии вилояти Суғд ҷанҷол ё муноқишаи сокинони рустои Хӯҷаҳо ва “Қалъаи Дӯстӣ” дар бозори “Чоршанбе”-и ин ноҳияро тасдиқ карданд. Рустам Ҷӯраев, муовини аввали раиси ҳукумати ноҳияи Ғончӣ, рӯзи 16 январ дар сӯҳбат бо “Озодагон” гуфт, ин ҳодиса субҳи 15 январ иттифоқ уфтода, вале касе ҷароҳат набардоштааст.

Оқои Ҷӯраев гуфт, ҳамин ҳоло дар маҳалли ҳодиса аст ва даргирии сокинони ду деҳаи ноҳияашонро низ танҳо “ҷанҷоли маишӣ” номид, на чизи дигар. “Мо аслан як семинар оид ба бахши кишоварзӣ доштем ва фақат хостем бо мардум дар ин бора аз наздик сӯҳбат кунем”,-афзуд ӯ.

Ин дар ҳолест, ки бино ба гузориши Радиои Озодӣ дар пайи муноқишае, ки рӯзи 15 январ дар бозори “Чоршанбе”-и Ғончӣ миёни сокинони Хӯҷаи Боло ва “Қалъаи Дӯстӣ” сар зад, даҳҳо нафар захмӣ ё маҷрӯҳ шудаанд. “Тибқи хабари расида, захмишудаҳо ба бемористони ноҳияи Ғончӣ ва шаҳри Хуҷанд интиқол ёфтаанд, аммо ҳанӯз сабаби аслии ин моҷаро рӯшан нашудааст”,-навиштааст ин торнамо.


Шарҳи худро бинависед:

Ном:*
E-Mail:
Матни шарҳ:
Посух додан
  • Чумъа

  • 16 январ 2014 13:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Махалбозихои мо хануз хам аз сатхи дехахоямон куч набастааст...
Посух додан
  • Jek

  • 16 январ 2014 15:21
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз Басмандагихо еднамегирен охи садкаи хавайхо шавен, бачои мунокишаву чангу чанчол дастахои футбол ташкил карда бози кунен намешад?
Посух додан
  • угук

  • 16 январ 2014 21:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
мардуми Хучахо одамони хубанд ку
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
бас кунед ин махалгароиро бас аст ин беаклихо муттахид бошед.!
Посух додан
  • угуки

  • 16 январ 2014 21:53
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хучоихо одамони хуб буданд ку

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!