Русский  >>  فارسی  >>  Сешанбе 6 декабр 2016, 01:38

Зиндонӣ шудани Собир Тоҷибоев, “дастпарвар”-и ал-Қоида

16 январ 2014, 13:05

Додгоҳи олии Тоҷикистон як сокини ҷавони кишварро, ки гӯиё қасди иштирок дар нооромиҳои Сурияро доштааст, ба муҳлати 4 солу шаш моҳ равонаи зиндон кард.

Тибқи иттилои Кумитаи амнияти миллии Тоҷикистон, ин ҷавони тоҷик, ки аз ӯ Собир Тоҷибоев ном бурда мешавад, дар ҳамдастӣ бо гуруҳҳои марбут ба “ал-Қоида” муттаҳам аст. Ба қавли манбаъ, Тоҷибоев аз соли 2008 то 2012 дар қатори “ҷанговарон”-и гуруҳҳои марбут ба созмони терррористии “ал-Қоида” дар Покистон тамрин дида, чанд бор дар ҷанги зидди нерӯҳои НАТО ва Амрико иштирок кардааст.

Кумитаи амнияти миллии кишвар мегӯяд, Собир Тоҷибоев соли 2012 бо ба даст овардани шиносномаи қалбакии афғонӣ мехост, тариқи убур аз марзи Покистону Эрон ба Сурия равад. Вале аз сӯи маъмурони амниятии Эрон боздошт ва соли 2013 бо дархости ҷониби Тоҷикистон ба ватан бозпас фиристода шуд.

Ин дар ҳолест, ки қаблан низ се ҷавони тоҷик, аз ҷумла Сабриддин Ашӯрови 22-сола, сокини ноҳияи Ҳисор аз сӯи Додгоҳи олии кишвар ба иттиҳоми иштирок дар муборизаҳо алайҳи ҳукумати Башор Асад дар Сурия ба мӯҳлати 2-солӣ аз озодӣ маҳрум шуданд. Қазияи ҳузур ва иштироки шаҳрвандони Тоҷикистон дар нооромиҳои дохилии Сурия ба як масъалаи баҳсбарангез ва нигаронкунанда табдил ёфтааст ва Аҳмад Бадриддин Ҳассун, муфтии аъзами Сурия низ гуфта буд, теъдоди тоҷикон, ки дар ин кишвар алайҳи ҳукумат меҷанганд, 190 нафар арзёбӣ мешавад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!