Русский  >>  فارسی  >>  Ҷумъа 9 декабр 2016, 06:49

Вазифаи нави Абдуҳалим Назаров (Ҳоҷӣ Ҳалим) дар Вазорати дифоъ

18 январ 2014, 10:16

Зариф Бобокалонов, сардори Ситоди генералии нерӯҳои мусаллаҳи Тоҷикистон, рӯзи 18 январ муовини аввали вазири дифои кишвар таъин шудааст. Дафтари матбуоти раёсати ҷумҳури Тоҷикистон мегӯяд, оқои Бобокалонов дорои ду тахассуси олии низомӣ буда, яке аз кадрҳои ҷавони соҳа ба ҳисоб меравад ва дар ин мақом Рамил Нодировро иваз кардааст.

Саидамир Розиқов ва Абдуҳалим Назаров, ки дафтари матбуоти раёсати ҷумҳурӣ аз онҳо кадрҳои соҳибтахассус, ботаҷриба ва кордону корозмуда ном бурдааст, муовинони вазири дифои Тоҷикистон таъин гардидаанд. Абдуҳалим Назаров, маъруф ба Ҳоҷӣ Ҳалим, аз фармондеҳони собиқ Иттиҳоди нерӯҳои оппозитсиюни тоҷик ё ИНОТ аст, ки то ин дам сардори Раёсати хадамоти қушун ва бехатарии Вазорати дифои Тоҷикистон буд.

Миралӣ Раҳматов, ки дорои ду тахассуси олии ҳарбӣ мебошад, фармондеҳи Қӯшунҳои зудамали нерӯҳои мусаллаҳи кишвар шудааст. Зариф Ҳакимов ва Собирхон Назаралиев дар мувофиқа бо раисиҷумҳур Эмомалӣ Раҳмон - яке Раёсати ҳамкории ҳарбӣ-байналхалқӣ ва дувумӣ Раёсати молия ва буҷаи Вазорати дифоъро ба ӯҳда гирифтаанд.

Раисиҷумҳури Тоҷикистон рӯзи шанбеи 18 январин афродро ба ҳузур пазируфта, “онҳоро ба хизмати софдилонаю содиқона ба халқу Ватан, пурзӯр намудани қудрати дифоии Тоҷикистон, ҳифзи бошарафи марзу буми кишвар, омодасозӣ ва ҷобагузории дурусти кадрҳои ҷавону ояндадор” давъат намудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман махмадулло ! мехостам Хочи Халимро бо вахифаи наваш табрик гуямю Падари ман бо хамрохи ин кам кор мекарданд

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!