Русский  >>  فارسی  >>  Панҷшанбе 8 декабр 2016, 14:51

Хатари бозгашти Муборак ба қудрат

20 январ 2014, 09:29

Пас аз барканории Муҳаммад Мурсӣ, раиси ҷумҳури ,узидаи мардуми Миср ва рӯи кор омадани низомиён, таҳаррукоте дар ҷарён аст, то чеҳраи ҷадиде аз ҳокимони низомиро дар ин кишвар боз тавлид кунанд. Ба гузориши хабаргузории “Форс”, Абулаз Ҳарирӣ, номзади давраи интихоботи қаблии раёсати ҷумҳурии Миср аз зуҳури исёни дубораи режими собиқ,ҳушдор додааст.

Қарор аст, ки интихоботи раёсати ҷумҳурии Миср тобистони соли 2014 баргузор шавад. Дар ҳамин ҳол, Амр Мусо, раиси Кумитаи панҷоҳнафарии таҳиягари қонуни асосӣ ва аз чеҳраҳои саршиноси низоми собиқи Миср, аз ҷумлаи касоне аст, ки аз номзадии Абдулфаттоҳ Сисӣ, сарфармондеҳи қувваҳои мусаллаҳи ин кишвар ҳимоят карда аст. Аз сӯи дигар, Аҳмад Шафиқ, номзади собиқи раёсати ҷумҳурӣ ва сарвазири Ҳусни Муборак, раисиҷумҳури барканоршудаи Миср низ эълон карда аст, дар сурате, агар генерал Абдулфаттоҳ Сисӣ эълони номзадӣ накунанд, худаш барои раёсати ҷумҳурӣ дубора номзад хоҳад шуд.

Дар муқобили ин таҳаррукот, Сисӣ низ талош дорад, худро чеҳраи милигаро муарифӣ кунад ва тасвираш дар канори Ҷамол Абдуносир, дар дасти тарафдоронаш даст ба даст мешавад, ки ҳамаи ин таҳарукот бо ҳадафи фароҳам шудани заминаҳои лозим барои номзадии ӯ сурат мегирад. Албатта Сисӣ талош мекунад, то нишон диҳад, ки тамойюле барои ба даст гирифтани қудрат надорад ва онро як хостаи мардумӣ муарифӣ кунад ва ин тавр вонамуд кунад, ки ин мардум хостори рӯи кор омадани вай ҳастанд. Суханони ахири Сисӣ далеле бар ин мудаост. Рӯзномаи Ал-аҳром ба нақл аз ӯ навиштааст: “Агар ман худро номзад кунам, пас бояд дар пайи он дархости мардумӣ ва иҷозаи артиш бошад.”

Як мақоми мисрӣ низ ба хабаргузории Фаронса гуфтааст, “генерал Сисӣ эҳсос мекунад, ки наметавонад дар сурати хоҳиши ошкорои мардум аз ӯ барои номзадӣ, канор бинишинад.

Дар миёни чеҳраҳои барҷастаи мисрӣ низ касе то кунун барои соҳиб шудан ба ин мақом эълони омодагӣ накарда аст ва ба назар мерасад, шахсияте дар Миср нест, то ин таваккули бузургро ба ҷон бихарад ва худро вориди майдони рақобатҳои сиёсии ин кишвар кунад. Гуфта мешавад, гӯиё ҳоло ҳама чиз ба нафъи генерал Сисиест, ки бо як фармони худ раисиҷумҳури мунтахаби Мисрро аз мақомаш барканор ва “дохил”-и маҳбас кардааст.

Эҷоди фазои амниятии шадид дар кишвар ва саркуби мухолифон ва террорист эълон кардани гуруҳи “Бародарони мусулмон”, бузургтарин ҳаракати исломии суннӣ, ки ба таври мусолиматомез эътирозоти худро баён мекунанд, ҳамчунин зиндонӣ кардан ва муҳокимаи онҳо ва судури ҳукмҳои сангин дар ҳақашон, ҳамагӣ баёнгари иҷрои ин барнома аст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!