Русский  >>  فارسی  >>  Якшанбе 4 декабр 2016, 00:41

Боздошти қочоқчиёни қирғиз ва танбаи мошинҳои боркаш дар марз

20 январ 2014, 12:17

Ду шаҳрванди Қирғизистон ба иттиҳоми қочоқи коло аз Тоҷикистон ба ватан боздошт шудаанд.

Тибқи иттилои Хадамоти марзбонии Қирғизистон, аскарони ин ниҳод танҳо дар давоми як рӯз-санаи 18 январи соли ҷорӣ ду ҳамватани худро ба иттиҳоми убури ғайриқонунии марз ва қочоқи коло аз Тоҷикистон ба ватан боздошт кардаанд. Манбаъ мегӯяд, яке аз боздоштшудагон қасди ворид кардани беш аз се тона мандарин аз Тоҷикистон ба Қирғизистонро доштааст.

Боздошти шаҳрвандони Қирғизистон ба иттиҳоми қочоқи коло аз Тоҷикистон дар ҳолест, ки мақомоти ин кишвар дар пайи тирпарониии 11 миёни марзбонони ду ҷониб дари марзҳои худро бастааст. Аз сӯи дигар, расонаҳои хабарии ин кишвар аз танба шудани беш аз 100 мошини боркаш дар навоҳии марзии Қирғизистон бо Тоҷикистон хабар медиҳанд. Аммо мақомоти қирғиз ин хабарро рад карда, аз додани тавзеҳот дар ин бора худдорӣ мекунанд.

Тирпаронӣ миёни марзбонҳои тоҷику қирғиз зуҳри 11 январи соли ҷорӣ рух дода, дар пай аз ду ҷониб ҳашт захмӣ боқӣ гузоштааст. Вазорати умури хориҷии Тоҷикистон бо нашри изҳороте гуфта буд, тирпаронӣ бидуни кадом огоҳӣ нахуст аз тарафи марзбонҳои қирғиз оғоз ёфта, марзбонҳои тоҷик танҳо барои ҳифзи ҷонашон ба онҳо ҷавоб додаанд. Вале ҷониби Қирғизистон ҳамоно барои айбдор кардани марзбонони тоҷик дар ин ҳодиса исрор дошта, ахиран сафири худ дар Дуашнберо низ ба ватан бозхондва дарҳои марзи худ бо Тоҷикистонро бастааст. Ин ҳама пофишории Бишкек барои айбдоркунии Душанбе дар ҳолест, ки ин тирпаронӣ дар қаламрави Тоҷикистон, дар маҳалли Хоҷаи Аълои Исфара, сурат гирифтааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!