Русский  >>  فارسی  >>  Чоршанбе 7 декабр 2016, 13:31

Муҳоҷирони тоҷик ҳақ доранд, 15 рӯз бе қайд дар Русия гарданд

20 январ 2014, 14:35

Созишномаи Душанбеву Маскав дар бораи будубоши шаҳрвандони Тоҷикистон дар Русия аз 17 январи соли ҷорӣ қувваи қонунӣ гирифтааст. Масъулони Вазорати умури хориҷии Тоҷикистон мегӯянд, Душанбе дар ин бора аз Русия охирин огоҳиномаи хаттиро дарёфт намудааст.

“Дар ин огоҳинома дар бобати анҷом ёфтани расмиёти дохилидавлатӣ оид ба эътибор пайдо кардани Созишнома хабар дода шудааст”,-омадааст дар иттилоияе дар торнамои Вазорати умури хориҷии Тоҷикистон. Ин созишнома миёни Душанбеву Маскав 8 феврали соли 2013 ба имзо расида, бар асоси он шаҳрвандони Тоҷикистон ҳақ доранд, давоми 15 рӯз бе қайд дар қаламрави Русия ҳузур дошта бошанд.

Тибқи иттилои Хадамоти федералии муҳоҷирати Русия соли гузашта аз Тоҷикистон ба ин кишвар 1 миллиону 300 ҳазор нафар ворид шудаанд, ки аз ин миқдор танҳо 900 ҳазорашон аз қайди мақомоти муҳоҷират гузаштаанд. Мақомоти Русия мегӯянд, шаҳрвандони Тоҷикистон аз нигоҳи теъдод дар ин кишвар баъд аз Узбакистону Украина дар зинаи сеюм меистанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!