Русский  >>  فارسی  >>  Душанбе 5 декабр 2016, 09:30

Тамоюли Аврупо ба лағви таҳримҳояш алайҳи Эрон

20 январ 2014, 15:49

Интизор меравад, Иттиҳоди Аврупо баъзе аз таҳримҳои ҷоринамудааш алайҳи Эронро имрӯз 20 январ бо пахши як изҳороти расмӣ лағв кунад.

Бархе аз дипломатҳои Иттиҳоди Аврупо рӯзи 19 январ гуфтаанд, вузарои умури хориҷии 28 кишвари узви ин иттиҳод дар Бруксел лағви бархе аз таҳримҳои ҷорӣ алайҳи Эронро ба баҳс гирифта буданд. Ба гуфтаи онҳо, Иттиҳоди Аврупо шарт гузоштааст, ки дар сурати таъйд ёфтани пойбандии Эрон ба тавофуқномаи Женева аз сӯи Оҷонси байналмилалии энержӣ-атомӣ изҳороти ин мақом дар робита ба лағви таҳримҳо худи ҳамон рӯз нашр хоҳад шуд.

Тибқи иттилои расонаҳои хабарӣ, ин дипломатҳои аврупоӣ, ки аз бурдани ном худдорӣ кардаанд, мегӯянд, Иттиҳоди Аврупо ба лағви сареи таҳримҳои худ алайҳи Эрон алоқамандӣ дорад. Онҳо, гуфтаанд, кишварҳои Аврупо хостори равобити хуб ва муносибати тиҷории густурда бо Эрон ҳастанд.

Қарор аст, мутахассисони Оҷонси байналмилалии энержӣ-атомӣ рӯзи 20 январ дар мавриди то куҷо пойбанд будани Теҳрон ба тавофуқномаи Женева гузориш диҳанд. Эрон бо кишварҳои 5+1(Русия, Чин, Амрико, Фаронса, Англия ва Олмон) охирҳои моҳи ноябри соли гузашта ба тавофуқ расида буданд, ки Теҳрон ғанисозии 20%-и урани худро поин бурда, бархе аз маҳдудиятҳоро дар ин бахш ҷорӣ мекунад.

Ахиран дар пайи муноқашаҳои атомии Эрон бо кишварҳои 5+1 Иттиҳоди Аврупо алайҳи Теҳрон як қатор таҳримҳоеро ҷорӣ карда буд. Бар асоси ин таҳримҳо, воридоти маҳсулоти нафтӣ ва тилову оҳанҳои гаронбаҳои эронӣ ба ин иттиҳодия манъ гардид.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!