Русский  >>  فارسی  >>  Ҷумъа 2 декабр 2016, 22:59

VIDEO: Абдуллоев парвандаи Зайдро “вазнин” ва иддаои вакилони ӯро “дурӯғ” хонд

21 январ 2014, 09:29

Нусратулло Абдуллоев, раиси Додгоҳи олии Тоҷикистон, дар ҷараёни нишасти хабарии рӯзи 21 январ иддаои вакилони мудофеи Зайд Саидов, соҳибкори маҳкумшударо, ки аз дастрас накардани матни ҳукми нафари таҳти ҳимояташон шикоят доранд, дурӯғ гуфт.

Абдуллоев гуфт, ҳукми пурраи Зайд Саидов ба вакилони мудофеаш пешниҳод шуда, аммо онҳо худашон аз гирифтани он худдорӣ кардаанд. “Бояд вакилони дифоъ баёнот менавиштанд, ки ҷузъиёти ҳукми додгоҳиро оммавӣ намекунанд, чун парванда вазнин буд”,-афзуд ӯ.



Ин дар ҳолест, ки Шӯҳрат Қудратов, яке аз се вакили мудофеи Зайд Саидов, гуфт, онҳо то ҳол нусхаи ҳукми Додгоҳи олиро дастрас накардаанд ва ин яке аз монеаи аслӣ барои бурдани шикояти кассатсионист. “Мо шикояти комил карда наметавонем, чун ҳоло нусхаи ҳукмро нагирифтаем. Ин ки ҳукмро ба мо намедиҳанд, худ нақзи қонун аст, вале ҳеч кор карда наметавонем”,-афзуд ӯ.

Шавкат Абдулхайров, раисикунандаи мурофиаи Зайд Саидов, ки дар ин нишасти хабарӣ ҳузур дошт, низ дар ин бора изҳори назар кард. Аммо вай ба суоли хабарнигорон дар бораи он ки чаро ҳангоми эълони ҳукми Саидов хабарнигорони телевизионҳои давлатиро монда, аз вуруди хабарнигорони мустақли ҷилавгирӣ кардааст, посухи дақиқ надод. Вай фақат бо ишораи он ки ин савол ба ӯ дахл надорад, аз ҷавоб гуфтан худдорӣ варзид.



Додгоҳи олии Тоҷикистон Зайд Саидовро 25 декабри соли гузашта ба 26 соли зиндон бо мусодираи амвол маҳкум кард. Зайд Саидов, баҳори соли 2013, баъд аз эълони азмаш барои таъсиси ҳизби “Тоҷикистони нав” боздошт ва барои қаллобӣ, сӯистифода аз мақом, ришват, бисёрзанӣ ва таҷовуз ба номус муттаҳам дониста шуд.


Шарҳи худро бинависед:

Ном:*
E-Mail:
Матни шарҳ:
Посух додан
  • точикбача

  • 21 январ 2014 10:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Адолат факат дар он дуне мебошад
Посух додан
  • Яъкуб.

  • 21 январ 2014 10:23
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Барои ин золимон хабс кардан бо дуругу тухмат муд шудааст, сафед кардан барои инхо <шармандаги> хаст. Бинед , ки дигар ягон кас дигар ба золимхона ( Суди оли) бовар надорад.Ва хукумат хам хато ба ин золими калон хатто як танбех хам намедихад..Худованд моро аз ин золимон начот дихад.
Посух додан
  • саидчон

  • 21 январ 2014 10:29
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ман намефаҳмам ин чихел парвандаи вазнин одам накуштааст ин ягон терорист набошад ин қадар ободи барои халқамон кардааст магар сазояш ҳамин бошад
Посух додан
  • Шокир

  • 21 январ 2014 11:42
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рости гап аз чунин беадолати дили аксарияти мардум аз ин хел давлатдори мондааст. Зеро шахсеро бе гунох говсуд кардан ин тамоман дар ягон давлат ба гайр аз узбакистон вучуд надорад. Магар андеша намекарда бошанд, ки фардо киёмат дар пеш аст. Локин дониста монед, ки Лутфи Хак бо ту муросохо кунад, Дон ки аз хад бигзри расвот кунад. Бо бовари гуфтан мумкин аст ки чунин давлатдори окибат надорад. Мулк хароб, раият дар азоб, кас аз тарс лаб кушода наметавонад. Ин рохбариятро чуз Алохи бузург дигар ягон кас саришта карда наметавонад. Худованд Зайдро дар амонат нигох дор. Гуфтани бисёр локин ба инхо сухан хайф......
Посух додан
  • Шапка

  • 21 январ 2014 11:45
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Касе аз илми психология огох бошад аз харакатхо хис карда метавонад ки дуруг мегуяд ё рост. Хатто инсони мукаррари низ аз ин видео метавонад хулоса барорад. Так что ин тарафу он тараф тоб нахурда....
Посух додан
  • Rajab

  • 21 январ 2014 14:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Судяи шарманда
Посух додан
  • boy

  • 21 январ 2014 17:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
“Бояд вакилони дифоъ баёнот
менавиштанд, ки ҷузъиёти ҳукми
додгоҳиро оммавӣ намекунанд, чун
парванда вазнин буд”, -афзуд ӯ. Чи вазнини дошта бошад ин парванда бисёр хандаовар хай дигар чи гуед.
Посух додан
  • ШЕФ

  • 21 январ 2014 18:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин нафар бо ном суд дар асл "ичрокунандаи супоришоти боло" ба саволи мухбир дар бораи парвандаи супориши мегуяд ки бори аввал мешунавад. Бале шояд бори аввал шунавалд аммо махз бо иштироки у тамоми парвандахои супориши хал мешаванд.
Озодагон ин шахсро зиёд азоб надихед чунки у холо дар ичрои супориши навбати мебошад.
Посух додан
  • Manon

  • 21 январ 2014 20:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бале дуруст кайд кардед, хелохам делаи вазнин, Расули Амонулло кудаки 16 сола 3 каса кушт, писари Гулов як духтари бегунохра дар даруни Донишгох ба дахонаш мепаронад, касе дарак надорад, ва Худо медонад, ки ун шохзодахои дигараш чи корхое паси парда мекунанд, аммо нест касе, ки сари рохи ин Золимора бгира ... Точикистон давлати хамаи мову шумост, на аз Рахмонову ахли хонаводааш.. Илтимос чоп кунед.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хабарнигор неки саволи зур доди рахмат. Инхо худаш сарфахм намерад чикор карда истодааст. Наход ба тв -хои Точикистон мумкин бошаду ба хабарнигорони дигар номумкин? Бо шарм надошта мегуяд инхел калимахоро такрор накунед.
Посух додан
  • Gffad

  • 21 январ 2014 23:29
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худованд хеч вакт рузи некиро набини, аз ташнагия забонат кок шавад! Омин
Посух додан
  • AbuMaryam

  • 22 январ 2014 00:14
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
"Хукм вазнин буд" интиресно,ин додгохи оли тарозуи нав ихтироъ кардааст чи? Хай мегуфт хамин хукм чи карда ванз доштаст? млгр? гр? кг? тонна? Е ин,ки бо литр чен кардааст?
Посух додан
  • Равшан

  • 22 январ 2014 00:47
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
миллати мо аз байн-меравад-ин-мардум-точикяте-надоранд-

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!