Русский  >>  فارسی  >>  Сешанбе 6 декабр 2016, 15:08

Баҳси пулгирӣ аз хориҷиён миёни вазири маориф ва Шабдолов

22 январ 2014, 09:53

Парлумони Тоҷикистон имрӯз, 22-юми январ созишномаи грантӣ бо Бонки аврупоии таҷдид ва рушд ва Асосиатсияи байналмилалиро ба тасвиб расонд, ки дар доираи он барои рушди маорифи Тоҷикистон 16,2 миллион доллари амрикоӣ ҷудо мегардад.

Нуриддин Саидов, вазири маориф ва илми Тоҷикистон зимни муаррифии ин лоиҳа дар парлумон изҳор дошт, ки маблағи ҷудогардида барои ба сатҳи байналмилалӣ баровардани таълим дар Тоҷикистон равона мегардад. Ӯ аз ҷумла таъкид намуд, ки то ҳол муҳтавои китобҳо ва матолиби таълимӣ дар кишвар ба далели камбуди маблағ ба талабот ҷавобгӯй набуданд. Ӯ афзуд бо маблағҳои грантии ҷудогардида, мазмуни китобҳои таълимӣ такмил дода хоҳад шуд.

Дар ҳамин ҳол Шодӣ Шабдолов, вакили парлумони Тоҷикистон, бо зикри зарбулмасал, ки “панири бепул танҳо дар қапқон мешавад” афзуд, ки мо бояд дар гирифтани маблағ аз хориҷиён эҳтиёткор бошем ва бинем, ки барои кӯдакони мо чӣ барномаҳо пешниҳод мекунанд.

Дар посух Нуриддин Саидов изҳор дошт, ки дар доираи ин лоиҳа тамоми барномаҳо аз ҷониби мутахассисони ватанӣ омода мегарданд ва танҳо аз натиҷаи он ба сармоягузорон гузориш хоҳанд дод.


Шарҳи худро бинависед:

Ном:*
E-Mail:
Матни шарҳ:
Посух додан
  • в

  • 22 январ 2014 10:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шабдолов гуфти русхо ворчун шудааст. Бисер вакт гапхои бемаъни мезанад. Аз замона кафо мондааст, ба дарки масъалахо зехнаш намерасад.
Посух додан
  • муаллим

  • 22 январ 2014 12:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар китобхои дарсиатон аз ин ба баъд дар бораи масехият ва яхудият мехонем ва бачахои точикро мсехию яхуди мекунед, зеро сиёспатро касе таъйин мекунадки пул медихад чунонки пеш аз ин дар китобхоятон мазхабхои гайри ханафи хам ворид кардед дар холе ки худатон баъзехоро ба гароиш ба дигар чараёнхо гунахкор мекунед. албатта маълум аст ки ин пул 80,% аш ба кисаи мансабдорон меравад вале аврупо шуморо мачбур мекунад ки бо доираи онхо ракс кунед. э дига мо ракси хукуматдорора тамошо мекунем. аммо вой ба холи миллат.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
“панири бепул танҳо дар қапқон мешавад” Офарин Шабдолов! Рост гуфтед вокеан!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Харчанде,ки аъзои Хизби Комунист набудаам....
Шабдолоро дар маврид дастгири мекунам ва хамфикр хастам !!!
Шабдолов шахси дурандеш аст ,ин мансабдорони мо ватану замину дину оинашонро ба хотири як пули пучак иваз мекунанд ва исботхам кардаанд..............
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Вазири мухтарам Нуриддин Саидович хамаи суханони Шумор боваркунед мо бовар мекунем аммо афсус ки кадомашро бовар кунем масалан маколае ба чашм расид ки умуман ин як 15 ё инки 20руз пеш буд умуман дар бораи маблаг гирифтан аз донишчуён аммо афсус ин холро дар ДМТ дар факултети журналистика ба чашм мерасид ки дар факултет хонуми ба номи ,,,,,,,,,,номашро хама медонад бо корманди он факултет АПАИ ЗЕБО хамдасти мекарданд ва бозори корвон ташкил намуданд як нафар барои карздор нашуданаш 150$ муайян шудабуд. Аммо боз гуфтаниям ки афсус ки Хайдаров декани факултети дар назди он корманди тести аз субх то бегох дар назди компютер менишаст аммо аз чизе хабардор шуданаш имкон надошт ё ин ки аз хама чиз бохабараст АФСУС МУХТАРАМ САИДОВ бо ингуна холатхо чашм мепушед

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!