Русский  >>  فارسی  >>  Якшанбе 11 декабр 2016, 13:01

Қарори Додгоҳи Аврупо дар бораи Низомхон Ҷӯраев ҳукми қонунӣ гирифт

22 январ 2014, 10:23

Додгоҳи Аврупо оид ба ҳуқуқи инсон бо пахши як гузориш аз ҳукми қонунӣ гирифтани қарор дар бораи нақзи ҳуқуқҳои Низомхон Ҷӯраев, собиқ вакили маҷлиси маҳаллии вилояти Суғд ва раиси корхонаи спирти Исфара дар Русия хабар дод.

Қаблан Додгоҳи Аврупо қарор кард, ки Русия бояд, ба маблағи 30 ҳазор евро ҷуброни маънавӣ ва 12 ҳазор еврои дигар ҳамчун хароҷоти судӣ ба Низомхон Ҷӯраев пардохт кунад. Аммо ҷониби Русия аз Палатаи бузурги Додгоҳи Аврупо хост, ки қазияи Низомхон Ҷӯраевро бозбинӣ кунад, вале ҷавоби рад гирифтааст ва ҳамакнун қарори қаблии ин додгоҳ ҳукми қонунӣ гирифт. Дар матни қарор омадааст, ки “агар дар муҳлати муқарраргардида товонҳои муқарраршуда пардохт нашаванд, Маскавро бо муҷозотҳои дигар интизор хоҳад буд.”

Бар асоси матни қарори Додгоҳи Аврупо оид ба ҳуқуқи башар, ки дар торнамои ин ниҳод нашр гардид, ин додгоҳ гуфтааст, мақомоти қудратии Русия бо боздошт кардани Ҷураев чанд соли пеш дар Маскав Конвенсияи Аврупо оид ба ҳуқуқи башарро нақз кардааст.

Ин ниҳоди судии Аврупо мегӯяд, Русия бояд, дар давоми се моҳ ба маблағи 30 ҳазор евро ҷуброни маънавӣ ва 12 ҳазор еврои дигар ҳамчун хароҷоти судӣ пардохт кунад.

Додгоҳи Аврупо баъд аз омӯхтани қазияи ғайб задани Ҷӯраев дар Русия ва зуҳураш дар Душанбе қарор кардааст, ҳар чанд ҷониби Русияро дар рабуда шудани Ҷураев гунаҳгор намеҳисобад, вале дар мавриди он, ки барои истирдоди тоҷири тоҷик ба Ватанаш монеъ нашудаааст, ин кишварро ба нақзи конвенсия оид ба ҳуқуқи башари Аврупо муттаҳам намуда, мегӯяд, ҳадди ақал бояд Маскав қазияи нопадид шудани Ҷураевро аз Русия тафтиш менамуд. Инчунин Додгоҳи ҳуқуқи башари Аврупо мегӯяд, ҳангоми боздошти Ҷураев низ ба мақомоти рус ба вайрон намудани талаботи банди 4-и модаи 5-и конвенсия роҳ додаанд. Зеро тибқи ин банд бояд ба шаҳрвандони боздоштшуда ҳаққи баррасии сареи қонунӣ будани боздошташро дода шавад.

Низомхон Ҷӯраев, ки ӯро дар Тоҷикистон бо чанд иттиҳом, аз ҷумла даст доштан дар куштор, азхудкунии маблағ ва таъсиси гуруҳи ғайриқонунии мусаллаҳ муттаҳам медонанд, 18-уми августи соли 2010 дар яке аз минтақаҳои шаҳри Маскав аз сӯйи пулиси Русия бо дархости ҷониби Душанбе боздошт гардида буд. Додгоҳи олии Русия дар он замон ба қароре омада буд, ки ӯро ба ватанаш истирдод кунад. Вале дар пайи эътирозҳои шадиди ҳуқуқшиносон аз ин қарори худ даст кашид.

Дар ибтидои соли 2012 Ҷураевро аз боздоштгоҳи Зеленогради Русия раҳо намуданд. Вале баъд аз чанд муддати беному нишон гардиданаш нохост дар Тоҷикистон аз худ дарак дод. Ӯ тариқи телевизионҳои давлатии кишвар гуфта буд, ки ба Ватан бо хоҳиши худ омадааст, то ба мақомот таслим шавад. Ба гуфтаи Ҷураев, гӯиё ӯ аз Русия тариқи қаламрави Қазоқистон ва Қирғизистон ба Тоҷикистон омадааст. Вале ба навиштаи расонаҳои хабарӣ Низомхон Ҷураев аз тарафи чанд тан аз ҳамватанони худ рабуда, ба Ватан оварда шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Доно

  • 22 январ 2014 11:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аслан хамин мардаки тухматчия садкаи дастгирии Итиходияи Аврупош кунад. Ин Аврупо хам чизе набудаст. Дар бораи Зайд Саид хаппу дар бораи як касе ки хамаро тухмат мекунад, карор мебарорад. Букаламунанд инхо хама
Посух додан
  • darvesh

  • 22 январ 2014 16:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
boz in juraev tovon mepursad ajoib!!!!!
Посух додан
  • ислом.70mail.ru

  • 22 январ 2014 21:05
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин бародар бо он гуноххои кардагиаш дар ин дуне аввал Худо расвош мекунад ва баъд дар охират.Дили мардум набояд шикаст,Расад рузе дили ту дигарон шикаст.
Посух додан
  • tojik

  • 23 январ 2014 00:09
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
nizomxon rostashro guftaast na tuhmat.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
САЛОМ БАРОДАРИ АЗИЗ НИСБАТИ НИЗОМХОН ДАШНОМХОИ ЗИЁД НАГУЕД ИН МАРД. ЯКЕ АЗ СОХИБКОРОНИ БОТАЧРИБА ДОНИШМАНД БУДААСТ НИСБАТИ ЗАЙД ШЕРОВИЧ ИН БЕЧОРА ДИГАР ИЛОЧ НАДОШТ ДАР МУРОФИЯИ СУДИ ГУФТ ШУМО БАРОИ МАН АКА ИЛОЧ НАДОРАМ ИН ГАП ХУДАШ БАС БУД

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!