Русский  >>  فارسی  >>  Панҷшанбе 8 декабр 2016, 01:16

Раиси нави “Амонатбонк”: Амволи Толиб Айёмбековро мефурӯшем

22 январ 2014, 14:43

Ҷамшед Норинов, раиси навтаъини “Амонатбонк” имрӯз, 22-юми январ зимни нишасти матбуотӣ дар Душанбе гуфт, “қумандон”-ҳои Бадахшон то ҳол қарзи ин бонкро пардохт накардаанд ва афзуд, ки ният доранд молу мулки онҳоро ба фурӯш гузоранд.

Норинов аз ҷумла ҳаҷми қарзи Толиб Айёмбековро, ки аз “қумандон”-ҳои собиқи Бадахшон арзёбӣ мешавад, 450 ҳазор сомонӣ гуфта, таъкид намуд, ки “ният дорем аз ҳисоби фурӯши амволи Айёмбеков дар нимаи аввали соли равон қарзи асосӣ ва то охири сол онро пурра баргардонем. Феълан барои фурӯши амволи Айёмбеков ситоди махсус созмон додаем.”

Ин дар ҳолест, ки қаблан роҳбарияти «Амонатбонк» гуфт, Толиб Айёмбеков ва Ёдгор Мамадасламов, собиқ фармондеҳони мухолифин дар Бадахшон нисфи қарзҳояшонро барнагардондаанд ва изҳор дошт, ки дар ин робита додситонӣ парвандаи ҷиноӣ низ оғоз кардааст.

Гулнора Ҳасанова, собиқ роҳбари “Амонатбонк” изҳор дошт, ин афрод, яъне Толиб Айёмбеков ва Ёдгор Мамадасламов, қарзро барои фаъолиятҳои соҳибкорӣ дар соли 2008 ва 2010 дарёфт карда буданд.

Ин дар ҳолест, ки раисиҷумҳури Тоҷикистон, моҳи сентябри соли 2012, зимни сафараш ба Бадахшон таъкид намуд, ки Ёдгор Мамадасламов ва Толиб Айёмбеков ҳар чӣ зудтар қарзашонро ба «Амонатбонк» баргардонанд.

Эмомалӣ Раҳмон, зимни мулоқот бо сокинони вилояти Бадахшон дар шаҳри Хоруғ дар моҳи сентябри соли 2012 ҳаҷми қарзи Толиб Айёмбеков ва Ёдгор Мамадасламовро бо назардошти фоизҳо 1 миллиону 265 ҳазор сомонӣ арзёбӣ карда буд. Раисиҷумҳур он замон иқрор кард, ки қарзҳои бонкӣ ба фармондеҳони мухолифин бо дастури худаш ироа гардидаанд: “Дастур дода будам, ки дар соли 2008 ба бархе аз кормандони ниҳодҳои қудратӣ қарзҳо диҳанд, то зиндагиашонро пеш баранд. Масалан, “Амонатбонк” ба хоҳари Ёдгор қарз дода, аммо 700 ҳазор сомонӣ баргардонда нашудаст. Абдураҳмонов, фарзанди Айёмбеков, 560 ҳазор сомонӣ қарзро барнагардондааст.”

Толиб Айёмбеков ва Ёдгор Мамадасламов дар баробари Маҳмадбоқир Маҳмадбоқиров ва Имомназар Имомназаров, аз чор қумандони маҳаллии Бадахшон маҳсуб меёбанд, ки тобистони соли 2012 додситонӣ онҳоро қочоқи маводи мухаддир, сангҳои гаронбаҳо ва қочоқи духтарон ва барои саркашӣ аз пардохти қарзҳои бонкӣ муттаҳам карда буд.


Шарҳи худро бинависед:

Ном:*
E-Mail:
Матни шарҳ:
Посух додан
  • аз Помир

  • 22 январ 2014 18:45
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
агар амволашро фурушед оё Толиб Айёмбеков баъзе "сирҳо"ро фош намекунад!?
Посух додан
  • tojik

  • 23 январ 2014 10:30
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
chi tolib fikr kard karzashro hukumat mebaxshad?karz karz ast boyad suporand.
Посух додан
  • ансор

  • 23 январ 2014 11:23
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
оё дар ин мамлакат хукукшиносе сиёсатшиносе марде хаст ки бигуяд ин макомдорони муосир бо 1-2 хазор сомони музди мохона чи гуна тавонистаанд ки ин микдор касрхои миллондоллара бисозанду то набеараашон мошинхои 80 хазор доллари харидааанд? пас карзхои толибро хисобу китоб кунанд....

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!