Русский  >>  فارسی  >>  Сешанбе 6 декабр 2016, 22:57

Нигаронии Созмони авфи байналмилал аз марги 1400 нафар дар Миср

23 январ 2014, 15:51

Созмони авфи байналмилал бо пахши изҳороте аз иқдомгирии хушунатомези мақомоти Миср алайҳи мардуми ин кишвар шадидан нигаронӣ кардааст.

Дар изҳороти ин созмон, ки рӯзи 23 январ нашр гардид, аз ҷумла омадааст, “мардуми Миср дар 7 моҳи охир аз сӯи маъмурони пулиси худ ба андозае мавриди шиканҷа ва бархурди хушунатомез қарор гирифтааст, ки амсоли онро таърихаш ёд надорад.”

Созмони авфи байналмилал мегӯяд, пулиси Миср имрӯз то ба ҳадде озод гузошта шудааст, ки ҳар коре хоҳад, берун аз чорчӯби қонун анҷом дода, ягон масъулиятеро назди касе ё чизе эҳсос намекунад.

Ин созмон нигаронӣ аз он намудааст, ки ҳоло мақомоти мисрӣ бо саркӯб кардани мухолифон ва поймолкунии ҳуқуқи инсон машғул буда, садҳо нафар аз афроди мухолифи сиёсӣ, аз ҷумла пайравони ҳаракати "Бародарони мусулмон"-ро зиндонӣ ва садҳо нафари дигарро ба қатл расонидаанд.

Ба навиштаи Созмони авфи байналмилал, аз замони барканории Муҳаммад Мурсӣ, раисиҷумҳури баргузидаи мардуми Миср, ки бо дастури Абдулфаттоҳ Сисӣ, сарфармондеҳи қувваҳои мусаллаҳи ин кишвар сурат гирифт, то имрӯз як ҳазору 400 нафар бар асари амалкардҳои хушунатомези пулис ҷон додааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!