Русский  >>  فارسی  >>  Чоршанбе 7 декабр 2016, 19:25

Аврупо расман лағви бархе таҳримҳояш алайҳи Эронро эълон кард

23 январ 2014, 16:55

Иттиҳоди Аврупо расман аз лағви бархе таҳримҳои ҷорикардааш алайҳи Эрон хабар медиҳад.

Тибқи иттилои манобеи хабарӣ, вазирони умури хориҷаи Иттиҳоди Аврупо дар нишасти рӯзи 21 январи худ аз таваққуфи бахше аз таҳримҳои Эрон, дар чоҳорчуби барномаи иқдоми муштарак бо ин кишвар, раъй додаанд. Ин дар ҳолест, ки Оҷонси байналмилалии энергияи атомӣ гуфт, Эрон тавлиди урониюми 20-фоизро мутаваққиф ва шаффоф кардани захираҳои урониюми 20-фоизро оғоз кардааст.

Қаблан Иттиҳоди Аврупо шарт гузошта буд, ки дар сурати таъйд ёфтани пойбандии Эрон ба тавофуқномаи Женева аз сӯи Оҷонси байналмилалии энержӣ-атомӣ изҳороти ин мақом дар робита ба лағви таҳримҳо худи ҳамон рӯз нашр хоҳад шуд. Эрон бо кишварҳои 5+1(Русия, Чин, Амрико, Фаронса, Англия ва Олмон) охирҳои моҳи ноябри соли гузашта ба тавофуқ расида буданд, ки Теҳрон ғанисозии 20%-и урани худро поин бурда, бархе аз маҳдудиятҳоро дар ин бахш ҷорӣ мекунад.

Аз сӯи дигар, Кохи Сафед ҳамчунин гуфтааст, ки гуруҳи 5+1 Иттиҳодияи Аврупо ва Эрон, акнун тарҳи гуфтугӯ дарбораи ҳалли ҷомеъ ва музокироти дарозмуддатро оғоз хоҳанд кард. Амрико таъкид кардааст, ки Вашингтон ба дипломатияи қавӣ ва муназам барои пешгирӣ аз дастёбии Эрон ба силоҳи ҳастаӣ, пойбанд боқӣ хоҳад монд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!