Русский  >>  فارسی  >>  Ҷумъа 9 декабр 2016, 10:40

Комилов: Сохтмони таваққуфгоҳ дар назди биноҳои навбунёд ҳатмист

23 январ 2014, 17:29

Кумитаи меъморӣ ва сохтмони назди ҳукумати Тоҷикистон мегӯяд, соли гузашта дар сохтмонҳои кишвар аз манбаҳои гуногун ба маблағи беш аз 5 миллиарду 694 миллион сомонӣ истифода шудааст.

Абдувалӣ Комилов, раиси ин Кумита, имрӯз, 23-юми январ зимни нишасти матбуотӣ дар Душанбе аз ҷумла қайд кард, ки соли гузашта дар кишвар беш аз 975 ҳазор метри мураббаъ хонаҳои истиқоматӣ ба истифода дода шудаанд.

Комилов таъкид намуд, ки тайи се соли охир бо назардошти афзоиши воситаҳои нақлиёт дар кишвар зимни бунёди хонаҳои бисёрошёна сохтмони таваққуфгоҳ низ дар назди онҳо ҳатмӣ шудааст.

Оқои Комилов инчунин изҳор намуд, ки аз 65 шаҳру ноҳияҳои ҷумҳурӣ нақшаҳои генералии 36 шаҳру ноҳияҳо таҳия гардидааст: “То ба имрӯз дар пажуҳишгоҳҳои лоиҳакашии Кумита таҳия ва тасҳеҳи накшаҳои генералии шаҳрҳои Панҷакент 98 фоиз, Қайроқум 50 фоиз, ноҳияи Бохтар 60 фоиз Абдураҳмони Ҷомӣ 25 фоиз, Восеъ 80 фоиз, Ғончӣ 70 фоиз мавриди коркард қарор доранд”.

“Нақшаҳои генералии 9 шаҳру ноҳия, аз ҷумла, шаҳри Истиқлол, ноҳияҳои Темурмалик, Ҷалолиддини Румӣ, Дарвоз, Вахш, Спитамен, Муъминобод, Ванҷ, шаҳраки С.Исоеви маркази ноҳияи Ҷалолиддини Румӣ пурра ба анҷом расида дар мувофиқаи вазорату идораҳои дахлдор қарор доранд. Тибқи нақша-чорабинии Кумита тасҳеҳи нақшаҳои генералии ҳамаи шаҳру ноҳияҳои ҷумҳурӣ бояд то соли 2015 анҷом ёбад”-афзуд Абдувалӣ Комилов.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!