Рамазон Раҳимов бо сафири Қатар аз мубориза алайҳи терроризм ва экстремизм гуфтанд
Генерал-лейтенанти милитсия Рамазон Раҳимов, вазири умури дохилии Тоҷикистон бо Алӣ Муборак ал-Муҳаннадӣ, сафири фавқулодда ва мухтори Давлати Қатар дар Душанбе мулоқот кардааст.
Бино ба иттилои ВУД, Рамазон Раҳимов зимни ин дидор таъкид намудааст, ки ҳарчи зудтар имзо шудани лоиҳаи Созишномаи қаблан коркардшуда миёни Тоҷикистон ва Қатар оид ба ҳамкорӣ дар самти мубориза алайҳи ҷинояткорӣ ва амният ба густариши ҳамкориҳои судманд мусоидат хоҳад кард. “Баъди ба имзо расидани лоиҳаи мазкур муносибатҳои дуҷониба боз ҳам равнақу ривоҷ ёфта, ҳамкориҳо таҳким хоҳанд ёфт”,-изҳор доштааст, вазири тоҷик.
Дар ин мулоқот ҳамчунин масоили мубориза алайҳи терроризм, экстремизм ва муомилоти ғайриқонунии маводи мухаддир мавриди баррасӣ қарор гирифтаанд. “Ҷонибҳо дар мавриди ҳамкориҳои судманд оид ба мубодилаи иттилоъ ва омода намудани кадрҳои ҷавон низ ибрози назар карданд”,-хабар дод манбаъ.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |