Русский  >>  فارسی  >>  Шанбе 3 декабр 2016, 20:40

Боздошти шаҳрванди Чин бо маводи мухаддир дар Мурғоб

24 январ 2014, 09:51

Агентии назорати маводи нашъаовари Тоҷикистон ҳафтаи равон ду шаҳрванди хориҷиро бо иттиҳоми қочоқи маводи мухаддир боздошт кардааст, ки якеашро соли 2008-ум додгоҳи Тоҷикистон ба 15 соли зиндон маҳкум карда буд.

Тибқи иттилои Агентӣ кормандони ин ниҳод шаби 21 январ дар шоҳроҳи Ҳамадонӣ - Душанбе автомашинаи тамғаи “Нива-Шевролет”-ро мавриди тафтиш қарор дода, аз дохили он 23,5 кило маводи мухаддир дарёфт намудаанд, ки ба шаҳрванди 35-солаи Афғонистон, сокини вилояти Тахор М.И. тааллуқ доштаст: “Тафтишоти пешакӣ нишон дод, ки М.И. соли 2008 барои фурӯши 8 кг героин аз тарафи суди Тоҷикистон ба 15 соли маҳрумият аз озодӣ маҳкум шуда буд. Ӯ соли соли 2009 барои давом додани иҷрои ҷазо ба муассисаи ислоҳшавии вилояти Тахори Афғонистон гузаронида шуд. Соли 2013 аз муассисаи ислоҳшавӣ озод гардида, боз ба кочоқ даст задааст.”

Баробари ин кормандони Агентӣ дар ноҳияи Мурғоб дар мавзеи Ҷамантол ҳангоми азназаргузаронии машинаи тамғаи «Jieng Fang» ба ронандаи машина - шаҳрванди Чин таваҷҷуҳ намуданд, ки ӯ асабонӣ рафтор менамуд: “Ӯ кӯшиш менамуд зудтар аз ҷои азназаргузаронӣ ҳаракат намояд. Бо назардошти ин кормандони оперативӣ қарор доданд, ки автомашинаро бодиққат аз назар гузаронанд ва дар кабинаи он як махфигоҳ ва аз он ҷо маводи мухаддир дарёфт кардаанд.”

Манбаъ мегӯяд, айни ҳол тафтиши ҳар ду ҳолат идома дошта, чораҳо барои дарёфти шарикони ин шаҳрвандони хориҷӣ роҳандозӣ шудаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!