Русский  >>  فارسی  >>  Сешанбе 6 декабр 2016, 20:56

ВИДЕО: Устову Масто нест. Ҳаҷви тоҷик ба Сайнуқриддин мондааст?

27 январ 2014, 10:01

Дигар Устову Масто нест, Убайдулло Раҷабу Қопчахону Почохон ҳам нестанд. “Чойхонаи Мушфиқӣ” кӯҳна шуд. Бо гузашти чанд сол якбора ҳама “ҷентелмэн” шудаву каме “бугу-магӯ” карданд, вале дер напоид ва зуд суқут кард.

Бахтиёру Ташриф бо “Ғарибшо компания”- ашон муваффақтар буданд, аммо 20 сол пеш. Ҳоло чизи наве дар кӯлборашон нест. Ташриф ба саҳна мебарояд, “А” мегӯяду медонем, ки Б, В, Г, Ғ...-аш чист. Ҳамон армия, ҳамон Сайнуқриддин ва ҳамон нос… Аммо, бо ин вуҷуд, “Ғарибшо компания” дар ҳоли ҳозир аз ягона гуруҳҳои ҳаҷвист, ки каму беш мушкили зиндагӣ ва ҳақиқати ҳолро зери сояи ҳаҷв баён мекунад.

“Арабшо” аз хаҷв фарсахҳо дур аст, аммо ба масхарабозӣ хеле наздик. Онҳо талоши филмофарӣ мекунанд ва ба қавлашон ду кино ҳам таҳия кардаанд. Агар аробаи синамои тоҷик ба ҳадде шаллақ шудааст, ки онро истеъдодҳое ба монанди гуруҳи “Арабшо” мекашанд, пас, шикастану пора шуданаш беҳтар. Мепурсед, чаро аз “Лаҳзаҳои гуворо” нагуфтем? Мегӯем. Он аз муваффақтарин тарҳи ҳаҷвнигорони тоҷик буд, ки гӯиё рисолаташро иҷро карду рафт. Дигар “Лаҳзаҳои гуворо” ё лаҳза нестанд ё гуворо. Ҳаҷве дар қолаби ин тарҳ бояд хеле кӯтоҳу нишонрас бошад. “Лаҳзаҳои гуворо” хеле дурудароз аст. Барои он ки мо бихандем, бояд дурудароз кӯчаву тангкӯча, мошинронӣ, салому алейк, маъракаравӣ, ошкашиву ошхӯрии қаҳрамонҳояшро тамошо кунем. Ва танҳо дар нуқтаи охир як гапи нимколахандаоварро мешунавем.



Ҳаҷв ниёз ба зӯр зада дар объектив ҳарф заданро надорад. Ҳаҷв гапи кам ва ҳаракатҳои ҷолибро меписандад. Намунааш тарҳи русии “6 кадр” аст, ки баъзан саҳна ҳатто матн ҳам надорад. Ҳаҷви тоҷик навгаро нест. Ҳама саҳнаҳо такрор ва дар асоси латифаҳои мардумианд, ки оғоз нашуда, аллакай бинанда медонад, ки чӣ гуна ҷамъбаст мегардад.

“Шӯхиҳои Аловиддин” ҳам ба ҳамин категория шомил аст. Ҳарчанд он метавонад тарҳи хеле муваффақ дар ҳаҷви тоҷик бошад. Истеъдоди Аловиддин ва нақши даҳҳо образро ба таври аҳсант иҷро карданаш, қобили ситоиш аст, аммо дар баробари ин қадар ранҷ агар ба нав кардани саҳнаҳо иқдом кунад, олӣ ва беҳтарин мешавад. Мутаассифона, “Шӯхиҳои Аловиддин” дорои кулминатсия ҳам нест. Дар нуқтаи авҷ саҳна тамом намешавад.

Ҳаҷви тоҷик прогрессивӣ нест, то ҳол “янга, ҳо янга”-гӯиҳо, замину ҳотаву қишлоқу мурғу сагу хар ё кӯтоҳу дағал ҳаҷви колхозӣ боқӣ мондааст. Дар мо на бо сухан, балки бештар бо либосҳои даридаву ҷӯлида ва “девонагиҳо” мехоҳанд мардумро бихандонанд. Ва боз ҳам барои қиёс дар тарҳҳои русии “6 кадр” ё “Даешь молодежь” саҳнаҳо дар бонк, офисҳои замонавӣ, кошонаҳои ҳусн, донишгоҳҳо мегузарад. Зоҳиран ҳаҷви мо пир шудааст. Гуруҳҳои ҳаҷвнигор миёни ҷавонон тақрибан нест. “Хандинкамон”, “Шакарханд” ва “Маҳфилоро” ҳам мисли “Ғарибшо”-ву “Лаҳзаҳои гуворо” ва “Шӯхиҳои Аловиддин” аҳён-аҳён саҳнаҳои ҷолибу хотирмон доранду солҳои сол бо ҳамон иктифо намуда, бо андак илова онро такрор мекунанд.

Он чӣ гуфтем аз дидаву шунида ва хулосабарории мо буд. Агар бо мо розӣ нестед, андешаи худро зери навор бинависед.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман бо ин матлаб сад дар сад ҳамовозӣ мекунам, зеро ин нуктаҳое, ки баён шудан асос доранд. Чизи дигаре, ки дар ҳаҷви тоҷик боиси нигаронист ин ба риштаи ҳаҷв ( аммо ин ҳамчун таҳҷир аст) кашидани ҳаёти деҳот аст. Ин қадар дар ҷомеа проблема мутаассифона бархе аз ҳаҷвнигорони мо онро намебинанд. Мо ( дар назар астаҳли ҷомеа) ба соҳаи варзиш таваҷҷӯҳ намуда то андозае муваффақ шудем, акнун фурсати он расид, ки ба сатъат, аз ҷумла ҳаҷв, шеъру шоирӣ ва кинову театр таваҷҷӯҳ намуда шароиту имконият фароҳам оварем ва баъзе имтиёзҳо низ ҷорӣ карда шаванд
Посух додан
  • абдул

  • 27 январ 2014 10:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
озодагон мавзуро дуруст мондед.дар хакикат имруз ягон хачви
точик тамошобоб нест,чунки ба фикри ман ягон артисти касби
\професионали\ намондааст...
Посух додан
  • о

  • 27 январ 2014 10:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Точики имруза аз руи мафкурааш ба мардуми кишлок табдил ефтааст. Хама он чизе ки мо дорем дар сатхи ана хамон кишлок аст. Кучо санъати волову касби.....
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухтарам хабарнигор (харчанд аз руи навиштаатон маълум, ки собикаи навис-нависатон кам аст) ва муаллифи хамин нигошта!!! Хазлу Шухи - ин ба худ мухит дорад!!! Дар мухити кунуни Гарибшо ва Ташриф аз хамма гуфтаатон боло меистад. Ба навиштачоти Шумо ризо шуда наметавонам, чунки стили яка (Stend up) ба мардуми мо ошно нест!!! Дар хама махалаву нохия хо якаронхо (СТЕНДАПЕРХО)-И ХУДРО ДОРАД!! Барои мисол: -Дар ш.Кулоб Мукимчонро аз театри Хучад ба туй даъват намоед, мардум уро намефахмад! Хамчунин ин ДОН-ЖУАНРО дар нохияхои Гончиву АШТ! Хулоса минталитети харяк махали Мо дигар аст!! Оиди барномахои ТВ РФ чаро, ки ТНТ ро ном нагирифтед? ва ё Шумо факат СТС тамошо мекунед? Дар ТНТ бисёр барномахои хазли аст, ки НАМЕХОХАМ ширинкорони Мо аз онхо ибрат гирифтаю ба изати нафси касе халалдор шаванд! Лахзахои Гуворо - бале ин аввалан шахсони шинохтаи ЧТ астанд! Чи дар шимолу чи дар чануб ба онхо осон аст!!! Аммо махсулоташонро ба ки ФУРУШАНД??? Магар ТВТ ва ё Сафинаю Бахористон, ки хамагон давлатианд метавонанд ба худ ин амалро раво бинанд? -НЕ! Пас мехнат менамои, ки махсулотатро харанд!!! Худи Шумо дар 1-сол чанд маротиба ба ТЕАРТ меравед? Хулоса бароред - аз зиндагии актёри барчастаи халкии СССР, артисти хизматнишондодаи РТ, дорандаи ордени дарачаи 2- СПИТАМЕН! ХОШИМ ГАДОЕВ! Агар надонед пурсед дар кадом сатхи ичтимои карор доранд!!! Хулосаи шахсии ман: -ТО вакте, ки ВАО озод набошад, дар катори ТВ давлати таносубан ТВ шахси ваё комерсиони арзи вучуд нанамоянд, гуфтахои ману Шумо як боди холиест, ки на вазн дораду на буй ва на оянда!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хачвнигорони точик Шумо як бор Камеди Клаб е Камеди Вуман ро тамошо кунед аз суханхои озоди сахнави онхо ибрат гиред! Хамаро бо таври шухи хачв мекунанд то призидену вазиронро! Ай мо бошад факат детски шудаги хафа нашед

Садри jаlol !! гуфтахои шумо сад дар сад дуруст аст
Посух додан
  • Ваххоб

  • 27 январ 2014 15:47
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ман хайрон барои чи ин видеохои фачро ба монанди Зангирии Мугамбо ва гайраро ичозат медиханд ки ба фурущ бароварда шаванд. наход мо ин кадар миллати паст бошем!!??
Посух додан
  • Хонанда

  • 27 январ 2014 15:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рости дар бораи хачви точик дигар хочати гап нест. Хамара чазир карда партофтанд. Хамаи камбудихоро хуб ошкор кардед. Чизи нав надоранд. Сахнахои гарибшо кухна шудааст, Аловадин дар чонмон задай, Арабшо маскарабоз шуд, шакарханд бобои Саид, Лахзахои гуворо ногувор шуд, Хандинкамон Сулаймон шуд, хачв дар миён намонд. Вой бар холи хачви имрузаи мо.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
жанри ҳаҷву мутоиба яке аз жанрҳои нозук ва мушкилтарини адабиёт ба шумор мераванд ва барои онро аз тариқи кино, театр ва телевизион пешкаши мардум намудан аввал сценарияи бакувват зарур аст, ки ин кори сценариянависон мебошад.Пас аз он режиссураи касбӣ ва баъд аз он интихоби ҳунарманд сурат мегирад ва он гоҳ мумкин аст ки натиҷаи касбӣ ва ё дилхоҳ ба даст ояд.Дар Тоҷикистон ҳамаи ин баръакс аст.Ҳунарманд.нависанда ва коргардон.Ба гуфти русҳо " три в одном" ки билохира натиҷаю мӯҳтавои кор ба гуфти шумо мазмуни қишлоқию колхозиро мегирад.Вале аз тарафи дигар нигоҳ кунем, тамоми паҳлуҳои фарҳангию иҷтимоии зиндагии мо имруз дар чунин сатҳ қарор дорад ва жанри юмору сатира яке аз нишондиҳандаҳои он аст.
Посух додан
  • be nom

  • 27 январ 2014 17:56
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
salom inho chikhele kardan baroy khudashon va baroy khalkamon Bisyor korhoi khandaaovar kardan man tashakkuri khudama merasonam ba hamai hajvnigoroni khandokhan az jumla lahzahoi guvoro badan yak chizi digar ki hamin jurnaliste ki gap zadast makul nashud yakbor khudasha monada gush kunad jurnalist bo hayajon gap boyad zanad ki hama bo zavk gush kunad man gush kardam khobam omad avval boyad khudro isloh kuni vad digaronro tashakkur
Посух додан
  • Точикак

  • 27 январ 2014 20:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бешак хачву суруду фархангу адабиёту дигар "надстройкахо" ба кавли Маркс дар "базис" бояд чой бигиранд, ки имруз базис суст аст, балки нест. Охир раисро хачв намояд пагох ба шуъбаи милиса мебаранду чунон мезананд, ки ба кавли худаш мурдаи Ленинро ба гардан мегирад. Пас бечора факат дехкону колхозчию солдатакхоро хачв карда гаштааст.
Решаи масъала дигар хеле чукур аст, айби гарибшову арбшохо нест балки запроси мардум хамин хел аст.
Посух додан
  • Daler

  • 28 январ 2014 07:11
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
bar padarut rahmat. Jigari gapa gufted. Ba Umed yak hajv tamosho kunam megi az hamun vaqti sarfshudaat chunon pushaymon meshavi ki.
Посух додан
  • Яздигурд

  • 28 январ 2014 08:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хачви мо,фарханги мо,адабиёти мо,телевизион,радио ва матбуоти мо дигар хама чупони-лакайи шудааст.Чун ин мардуми сари давлати буда, аз точикият фарсаххо дуранд!
Посух додан
  • фсб

  • 28 январ 2014 15:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хамаи хачвнигорои мо дуруган
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
[]Daler[], бародар ту рост мегуи ин милисаю хукуматдорони мо ин кадар аз дунё кафомондаанд ки хатто фарки байни ТАКЛИД У ТАНКИДРО сарфахм намераванд зеро дар сахна таклид кардан мумкин аст лекин дар хаёт танкидро факат журналистон хак доранд кисса кутох ЧУПОН чи гуна БУЗУ ГУСФАНДОН НАМУНА. Барои хачвнигори бисёртар аз адабиёти чахон бохабар шудану хондан даркор дониши бузург даркор ин актёрони мо аёр шудаанд БОЗ ГУФТАНИЯМ КИ ИНХЕЛ РАВИЯЕ (СИСТЕМА) КИ хачв нишон медиханд кайхо кухна шудааст бояд чизи нав сохт!!!!!!
Посух додан
  • saha

  • 31 январ 2014 08:58
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
100 фоиз дуруст Шухихои бемаъни чунки чихеле ки мардум мегуяд калу кур хама актер шудааст.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!