Русский  >>  فارسی  >>  Шанбе 3 декабр 2016, 14:33

4 миллион зарари соҳаи матлубот аз сӯхтори “Саховат”

27 январ 2014, 10:49

Сироҷиддин Валиев, раиси “Тоҷикматлубот”, имрӯз, 27-уми январ, зимни нишасти матбуотӣ дар Душанбе гуфт, сӯхтори бозори “Саховат” дар Кӯлоб дар ҳаҷми 4 миллион сомонӣ ба кормандони соҳа зарар расондааст.

Валиев афзуд, ки дар натиҷаи ин сӯхтор 669 соҳибкор аз ҷои кор маҳрум шуданд: “Мо барои барқарор сохтани дӯкону мағозаҳои сӯхта феълан 800 ҳазор сомонӣ ҷудо намудем ва то баҳори соли равон бозорро пурра барқарор ва ба соҳибкорон бармегардонем.”

Раиси “Тоҷикматлубот” илова намуд, айни ҳол дар майдони сохтмони бозор беш аз 400 сохтмончӣ машғули кор буда, барои барқарорсозии пурраи бозор 1 миллион сомонии дигар лозим аст.

Ин дар ҳолест, ки дар пайи сӯхтори шаби 12-уми январ дар бозори “Саховат”-и Кӯлоб 96 мағоза ва 382 нуқтаи савдо зиён дидаанд. Мақомот ваъда доданд, ки корҳои барқарорсозӣ дар бозор то иди Наврӯз пурра ба анҷом расонида мешавад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!