Русский  >>  فارسی  >>  Ҷумъа 9 декабр 2016, 08:46

Ба Human Rights Watch "минбар" надоданд, то гузоришашро қироат кунад

27 январ 2014, 11:22

Мақомоти Имороти Муттаҳидаи Араб (ИМА) ба Дидбони ҳуқуқи башар ё “Human Rights Watch” иҷоза надодаанд, дар яке аз меҳмонсароҳои ин минтақа бо баргузории нишасте вазъи ҳуқуқи инсон дар ин минтақаро арзёбӣ кунад.

Дидбони ҳуқуқи башар рӯзи 26 январ бо пахши як изҳорот аз ин амалкарди мақомоти Иморот ба шиддат интиқод карда, хостори тавзеҳоти ин иқдомашон шудааст. Human Rights Watch мегӯяд, иҷоза надодани мақомоти иморотӣ ба баргузории нишасти хабарии ин созмон дар ИМА аз набудани озодии баён ва поймолшавии ҳуқуқи башар дар ин минтақа хабар медиҳад.

Ин созмони байналмилалии ҳуқуқӣ таъкид дорад, дар сурате Имороти Муттаҳидаи Араб худро маркази васоити ахбори оммаи ҷаҳонӣ мешуморад, бояд ба ҳуқуқи инсон эҳтиром гузошта, танқидпазир бошад.

Нишасти хабарии Human Rights Watch интизор мерафт, рӯзи 23 январ дар яке аз меҳмонсарои ИМА барпо шуда, дар он гузориши солонаи ин созмон дар бораи вазъи ҳуқуқи инсон дар ин кишварҳо қироат мешуд. Намояндагони ин созмон мегӯянд, онҳо толорои баргузории нишасти хабарии худро як моҳи пеш аз санаи барпо шудани он фармоиш дода буданд. Вале масъулини меҳмонсаро танҳо рӯзи баргузории нишаст ба намояндагони Human Rights Watch гуфтаанд, ки онҳо наметавонанд нишасти худро инҷо баргузор кунанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!