Русский  >>  فارسی  >>  Сешанбе 6 декабр 2016, 17:12

Валиев хабари Сабзов дар бораи қиморхонаро беасос донист

27 январ 2014, 15:22

Сироҷиддин Валиев, раиси “Тоҷикматлубот”, таъсиси қиморхонаи бузургтарини кишвар дар базаи дуюми ин ниҳод дар ноҳияи Ҳисорро бепоя хонд. Валиев рӯзи 27 январи соли ҷорӣ ҳангоми нишасти хабарӣ дар Душанбе гуфт, “Тоҷикматлубот” феълан дар Ҳисор база надорад ва аз ин рӯ, ошкор шудани қиморхона марбут ба онҳо нест.

Ин дар ҳолест, ки қаблан Усмон Сабзов, раиси ноҳияи Ҳисор, тайи як нишасти хабарӣ гуфта буд, дар пайи шикояти шаҳрвандон дар базаи дуюми “Тоҷикматлубот” гурӯҳҳоеро, ки даст ба қиморбозӣ мезаданд, ошкор ва боздошт намудаанд. Усмон Сабзов иброз намуда буд, бо ҳамроҳии Валиҷон Табаров, сардори Шӯъбаи умури дохилии ноҳия, маслиҳат намуда, ба макони қиморхона рафтаанд ва аз тамоми корҳое, ки ҷавонон он ҷо машғул мешудаанд, шахсан огоҳӣ ёфтаанд.

“Як рӯз сардори шӯъбаи корҳои дохилиро гуфтам, як ҷо говдуздӣ аст, мо рафта бо ҳамроҳи онҳо говдуздӣ мекунем ва ҳамин тариқ ҷинояткорҳоро боздошт мекунем. Либосҳои дигар пӯшидему рафтем. Бо ҳамон суроғаи додагӣ рафтем, ки дур набудааст, базаи дуюми Тоҷикматлубот, дар сари роҳ будааст. Вақте ки он ҷо рафтем, як одам истодагӣ мошинҳоро ҷо ба ҷо мекунад”,-нақл карда буд ӯ.

Ба қавли Усмон Сабзов, дар натиҷа аз ҳудуди 300 нафар дар маркази қиморбозӣ, 83 нафарашро худи ҳамон шаб боздошт намудаанд ва ҳамчунин 63 мошинро маҳкам намудаанд.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • Ёраков

  • 28 январ 2014 15:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сабзов дар нохияи Хисор Сардори ШКД равтаст ё КГБ нафахмидам. Ба фикрам ин кори макомотхои хифзи хукук аст ай аст ки ба чои кормандони макомот Раиси нохия ба ин кор машгул гавад. Бад хамон киморбозоне ки дар нохия аст аз хамааш ШКДи нохия бохабар аст кам пора гиранду софдилона кор кунанд. Бад аз ин кора кардана аз кафои сохтумону азнавсозии нохия шудан даркор ин ё кудак нести ки коро омузонемат.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!