27 янв 2014 16:37Қирғизистон / Бишкеку Душанбе

Абдиев сарҳадбонони қирғизро дар қатли 11 нафари бесилоҳ муттаҳам кард

Бархе аз вакилони парлумони Қирғизистон эътирози худ алайҳи дастури Хадамоти марзбонии ин кишвар, дар мавриди ба пуррагӣ нобуд сохтани 11 марзшиканро эълон доштаанд.

Курмантай Абдиев, намояндаи мардумии қирғиз аз Ҳизби “Ота-Ҷурт” гуфтааст, ҳанӯз ҳам барои онҳо равшан нест, бо чӣ далел Раҳимбердӣ Дуйшенбиев, раҳбари Хадамоти марзбонии кишвараш барои пурра нобуд кардани сарҳадшиканон амр кардааст. Ӯ мегӯяд, Дуйшенбиев дар ҳоле ба қатли гуруҳи 11-нафарии марзшиканон дар минтақа сарҳадии кишвараш бо Чин дастур додааст, ки ин иқдом ба манфиати Бишкек набуд.

Абдиев бар инаст, ки Душанбиев ба қатли марзшиканоне дастур додааст, ки бо худ ба ҷуз як милтиқи шикорию корд, силоҳи оташфишони дигар надоштанд: “Хуб коре мекунед, ҳанӯз маълум нест, барои пурра нобуд кардани ин гуруҳи 11-нафарӣ чӣ зарурат буд? Ин саволест, ки мардум барои он ҷавоб хоҳанд, хост!”

Ин вакили қирғиз таъкид дошт, ки марзбонони Қирғизистон ба ҷои қатл, бояд ба зинда дастгир кардани марзшиканон талош мекарданд: “ин имкониятро доштанд. Ҳадди ақал бояд, яке аз онҳоро зинда дастгир мекарданд, чун барои мо маълумот даркор буд, на ҷасади онҳо."

Хадамоти давлатии марзбонии Қирғизистон, рӯзи 23 январи соли ҷорӣ бо пахши як иттилоия аз даргирии нави мусаллаҳона дар марз хабар дода буд. Ба иттилои ин ниҳод, гурӯҳи марзшиканон, ки корманди хоҷагии шикори ин кишварро кушта, ба марзбонони минтақаи Иссиқ-кӯл мухолифати мусаллаҳона нишон додаанд, дар 40-километрии марзи Қирғизистону Чин муҳосира ва кушта шуданд. Дуйшенбиев рӯзи 24 январ зимни нишасти хабарие гуфта буд, ин гуруҳи 11-нафарии марзшикан ба хотире пурра нобуд карда шуданд, ки як шаҳрванди ин кишварро ба таври ваҳшиёна ба қатл расонида, аз таслим шудан саркашӣ кардаанд.

Мӯҳр

Хабарҳои монанд:

САРФАРОЗ

Ин берахми ва азхуд рафтани марзбонони киргизро бубинед ки 11нафар шахси беаслихаро ба катл расонидаанд о манкуртхио вахшиии бодянишин инхо холо хам вахшигарию кух ба кух гаштанро давом медиханд.Инхоро бояд макомоти к иргиз эъдом кунад вагарнаин дахшат ки ашхоси бесилохро бо с илохи оташфишон эъдом куни.Хок бар сарат дуйшанбиеви манкурт

Ҷавоб диҳед Иқтибос Шикоят

Талхак

Шумоён сархадбонон дигпр хеч бахонае надоред, як шаҳрванди ин кишварро яъне Киргизистонро гуё ба таври ваҳшиёна ба қатл расонида буданд, бинобар ин Шумо ин 11 нафари барои паногох чустан ба назди бародарони мусалмони худ омадаро несту нобуд кардед, ин хам бошад бо дастури хамсоягон. Мусалмонони бародарони худро куштед. Хеле кори оли кардед. Бо ин коратон бо як тир 2 фохтак заданиед?
1. Мехохед чашми бародарони Точикистонии худро тарсонед.
2. Мехохед бо ин коратон дили хамсояаатонро ба даст оваред. Аммо барои Шумо чи суд?

Ҷавоб диҳед Иқтибос Шикоят

Эзоҳ илова кунед