Раиси Кумитаи андоз сӯхтори бозорҳоро айби раисҳо гуфт
Нусратулло Давлатов, раиси Кумитаи андози Тоҷикистон сӯхтори бозорҳо дар кишварро омили коҳиши воридоти андоз ба буҷа хонда, дар сар задани онҳо раисони бозорҳо ва мақомоти назоратиро гунаҳкор гуфт.
Давлатов, имрӯз, 28-уми январ, зимни нишасти матбуотӣ дар Душанбе гуфт аз бозори “Саховат”-и Кӯлоб, ки ахиран сӯхт, қабл аз сӯхтор дидан карда буд ва камбудиҳои зиёдеро мушоҳида кардааст. Ӯ таъкид намуд, ки дар бозорҳои “Шоҳмансур” ва “Саховат”-и Душанбе низ ҳолатҳои риоя нашудани қоидаҳои истифодаи барқ ба чашм мерасанд: “Дар ин ҷо аз як тараф роҳбарони бозорҳо гунаҳкоранд аз тарафи дигар мақомоти дахлдор, ки ин самтро назорат мебаранд. Пеш аз сӯхтор вақте ба бозори “Саховат”-Кӯлоб рафта будам, он ҷо ягон чиз риоя намешуд, ҳатто гузаштан намешуд. Роҳрав маҳкам карда шуда буд, ки албатта ҳамин гуна чизҳо боиси сар задани чунин ҳолатҳо мешавад”.
Нусратулло Давлатов илова намуд, тоҷирони бозори “Саховат”- и Кӯлоб, ки тариқи патент фаъолият мебурданд, то барқарор намудани макони хизматрасонӣ, аз пардохти маблағи патент озод шудаанд. Раиси Кумитаи андоз иброз дошт, ки дар натиҷаи сӯхтори ин бозор 374 соҳибкорӣ инфиродӣ, ки бо патент фаъолият мебурданд, зарар дидаанд ва онҳо моҳе ҳамагӣ 41 ҳазор сомонӣ андоз месупоридаанд: “Соҳибкороне, ки дар ин бозор бо шаҳодатнома фаъолият менамуданд, ҳамагӣ 162 нафаранд, ки андози месупоридаашон дар як моҳ 65 ҳазор сомониро ташкил медод. Дар маҷмӯъ мо 80- 90 ҳазор сомонӣ аз ин бозор зарар дидаем”.
Нусратулло Давлатов мегӯяд, айни ҳол гурӯҳи кории кумита дар бозори Кӯлоб фаъолият дорад ва ӯ ҳамчунин дастур додааст, ки масъулин барои соҳибкрони ин бозор мушкилӣ пеш наоранд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |