Русский  >>  فارسی  >>  Сешанбе 6 декабр 2016, 10:47

Маъракаи китобҷамъкунӣ дар фурудгоҳи Душанбе ҷараён дорад

10 август 2011, 10:01

Кормандони фурудгоҳи байналмилалии Душанбе ба китобхонаи миллӣ ҳудуди 5469 китобу адабиёти илмӣ ва асарҳои мухталиф супоридаанд.


Феҳрасти китобҳои ҷамъоварикардаи кормандони фурудгоҳ аз осори классикони адабиёти тоҷику форс- Абулқосим Фирдавсӣ, Абдураҳмони Ҷомӣ, Умари Хайём, Низомии Ганҷавӣ, нависандагони маъруфи замони шӯравӣ- Ҷалол Икромӣ, Шодон Ҳаниф, Сотим Улуғзода, Мирсаид Миршакар, Мирзо Турсунзода, нависандагони  рус- Лев Толстой, Некрасов, Сергей Есенин инчунин адабиёти нависандагони англису амрикоӣ, фаронсавӣ, арабӣ, осетинӣ иборатанд. Дар миёни китобҳои ба китобхонаи миллӣ тақдимкардаи онҳо асарҳои В.И. Ленин ва дигар арбобони сиёсии Иттиҳоди Шӯравиро низ дидан мумкин аст. Ёдрас менамоем, китобхонаи миллии ҷумҳурии Тоҷикистон ба номи Абулқосим Фирдавсӣ ҳанӯз соли 1933 дар заминаи китобхонаи шаҳрӣ таъсис ёфта, баъди як сол ба истиқболи 1000-солагии устод Фирдавсӣ, муаллифи асари ҷаҳоншумули «Шоҳнома» бо исми ӯ номгузорӣ шудааст. Дар соли 1993 ба китобхона мақоми миллӣ дода шуд. Фонди он баробар ба 3 миллион нусха китобу осори гаронбаҳост. Дар сурати ба бинои нав кӯчидани ин махзани маонӣ теъдоди китобу мусаввара ва осори илмии он ҳудуди 10-миллионро ташкил хоҳад дод. Бинои нави китобхонаи миллӣ дар садади анҷомёбӣ буда, қарор аст дар арафаи ҷашни 20–умин солгарди истиқлолияти давлатӣ мавриди баҳрабардорӣ қарор бигирад. {jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!