Русский  >>  فارسی  >>  Панҷшанбе 24 январ 2019, 10:14

Баҳси “CASA 1000” дар сӯҳбати Раҳмон бо Ҳоугленд

24 феврал 2014, 12:20

Эмомалӣ Раҳмон, раисиҷумҳури Тоҷикистон, дар сӯҳбате, ки бо Ричард Ҳоугленд -- муовини ёвари вазири умури хориҷии Амрико дошт, мавзӯи CASA 1000 – ро баррасӣ кардааст. Ин сӯҳбат рӯзи 24 феврал дар Душанбе баргузор шуд.

Ҷузъиёти сӯҳбати Раҳмон бо Ҳоугленд дар масъалаи хатти интиқоли барқ аз Тоҷикистону Қирғизистон ба Афғонистону Покистон ифшо нашудааст. Вале ахиран дар Вашингтон Шӯрои байниҳукуматии Тоҷикистон, Қирғизистон, Покистон ва Афғонистон созишнома дар бораи лоиҳаи CASA 1000-ро ба имзо расонданд.

Бар асоси ин созишнома, Қирғизистону Тоҷикистон вазифадор шудаанд, ки тариқи қаламрави Афғонистон ба Покистон ҳамасола 700 мегаватт нерӯи барқро интиқол медиҳанд.

Дафтари матбуоти раёсати ҷумҳури Тоҷикистон мегӯяд, дар мулоқоти рӯзи душанбе, инчунин, ба вазъи кунунӣ ва ояндаи Афғонистон ва оқибати хуруҷи нерӯҳои байналмилалӣ аз ин кишвар таваҷҷуҳ шудааст. Манбаъ мегӯяд, дара ҷараёни вохӯрӣ масоили вобаста ба муносиботи Тоҷикистону Амрико ва ҳамкории ду кишвар низ баҳс шудааст.

Ричард Ҳоугленд дар гузашта сафири Иёлоти Муттаҳида дар Тоҷикистон буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!