Русский  >>  فارسی  >>  Якшанбе 4 декабр 2016, 11:04

Ҷустуҷӯи ҷасади сарбози 20-сола дар рӯдхонаи Зарафшон

15 август 2011, 05:00

Масъулони ситоди ҳолатҳои изтирории вилояти Суғд ҷасади сарбоз Сайвалӣ Шералиевро ҷустуҷӯ доранд, ки  рӯзи 13-уми август  зимни барқарор кардани роҳи қаламрави ноҳияи Айнӣ дар рӯди Зарафшон ғарқ шудааст.


Ҷамшед Кучаков, як масъули ситоди ҳолатҳои фавқулоддаи минтақавӣ ба хабаргузории «Озодагон» гуфт, ҷустуҷӯи ҷасади сарбози 20- сола, ки аснои барқарор сохтани қитъаи вайроншудаи роҳ дар мавзеи    «Рарз»-и ноҳия Айнӣ дар рӯди Зарафшон фурӯ рафтааст, алъон идома дорад. Гуфта мешавад, ин сарбоз дар қисми низомии 03 753 дар ноҳияи Б. Ғафуров хизмати сарбозиро адо  мекардааст. Барои пайдо кардани ҷасади сарбоз гурӯҳи  наҷотдиҳандагони ситоди ҳолатҳои изтирории Суғд, кормандони ситоди ҳолатҳои фавқуллодаи ноҳияи Айнӣ ва гурӯҳи алоҳидаи сарбозон сафарбар шудаанд.

Дар ҳамин ҳол аз дафтари матбуотии Кумитаи ҳолатҳои фавқулодда иттилоъ доданд, ки сарбози ғарқшуда, истиқоматкунандаи ҷамоати деҳоти «Нусратулло Махсум»-и  ноҳияи Рашт буда, аз ин ҷо ба хизмати ҳарбӣ даъват шудааст.

Маврид ба ёдоварист, бар асари лағжиши кӯҳпора дар рӯзи 28- уми июли соли равон роҳи марзии миёни ноҳияҳои Кӯҳистони Масчоҳ ва Айнӣ тахриб гардида, бартараф кардани оқибатҳои он то ҳанӯз идома дорад.    {jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!