Бахшҳо
20 мар 2014 16:59Тоҷикистон / Иқтисодӣ

Бурду бохти Тоҷикистон аз 1 соли узвият дар СҶТ

Ҳумайрои БАХТИЁР

Вазорати рушди иқтисод ва савдои Тоҷикистон мегӯяд, барои натиҷагирӣ аз узвият ба Созмони ҷаҳонии тиҷорат як сол хеле кам аст ва ҳадди ақал 5 сол лозим аст, ки Тоҷикистон манфиати СҶТ-ро эҳсос кунад.

Сӯҳроб Одинаев, масъули Вазорати рушди иқтисод ва савдои кишвар зимни ҳамоиш дар мавзӯи “Барномаи ҳамкориҳо дар соҳаи тиҷорат дар Тоҷикистон” бо зикри ин нукта гуфт, ки ҳоло Тоҷикистон дар марҳилаи гузариш қарор дорад: “Албатта давоми 1 сол ҳеч тағйиротеро наметавон мушоҳида кард. Метавон баъди 5 сол натиҷагирӣ кард, ки дар Тоҷикистон бо воридшавӣ ба СҶТ чӣ чиз тағйир ёфт.”

Дар ҳамин маврид Ёван Йокич, намояндаи лоиҳаи USAID гуфт, ки воқеан 1 сол барои натиҷагирӣ кардан хеле вақти кам аст. Оқои Йокич бар ин назар аст, ки як қатор бахшҳои Тоҷикистон ба ислоҳот ниёз дорад: “Бахши андози Тоҷикистон ҳамоно ба ислоҳот ниёз дорад. Дар масъалаи гумрук бошад, ислоҳоти кулл лозим аст. Ҳамчунин имкониятҳои “Тоҷикстандарт” низ хеле восеъ буда, он бояд маҳдудтар карда шавад. Ҳоло корҳо барои расидан ба ин мақсад идома доранд.”

Ёван Йокич ба унвони далел гуфт, ки дар қиёс ба солҳои қаблӣ ҳудуди 100 номгуйи маҳсулот аз “Тоҷикстандарт” намегузарад, ки ин ба манфиати кор аст.

Дар робита Фирӯз Баротов, медиа консултант ба Сӯҳроб Одинаев, намояндаи Вазорати рушди иқтисод ва савдои Тоҷикистон пешниҳод кард, то барои фаъолият ба соҳибкорони хурду миёна шароити беҳтар фароҳам оварда шавад. Баротов аз ҷумла гуфт, дар кишварҳои дигар соҳибкории хурду миёна омили аслии рушд буда, Тоҷикистон низ ба ин бахш бояд таваҷҷӯҳи бештар зоҳир кунад: “Вазорати рушди иқтисод ва савдои кишвар бояд феҳрасти тамоми соҳибкорони хурду миёнаро тартиб бидиҳад. Бояд маълумоте бошад, ки давоми солҳои охир чанд соҳибкор фаъолияти худро қатъ кард, бо чӣ сабаб, чанде аз онҳо муфлис шудаанд?”

Сӯҳроб Одинаев, намояндаи Вазорати рушди иқтисод гуфт, ки Тоҷикистон ба унвони узви СҶТ наметавонад ба соҳибкорони дохилӣ имконият ва шароити бештар бидиҳад. Ҷаноби Одинаев бо ишора ба меъёрҳои СҶТ гуфт, ки ҳеч давлати аъзои ин созмон ҳақ надорад, дар баробари маҳсулоти хориҷӣ ба маҳсулоти дохилӣ авлавият бидиҳад, зеро ин нобаробарӣ дар тиҷорат хоҳад буд: “Аз тарафи дигар соҳибкорони мо имконияти хуби молӣ надоранд. Бонкҳои Тоҷикистон бо фоизи хеле баланд қарз медиҳанд. Баъзан то 40 фоиз. Ин фоизҳои қарзгирӣ бояд кам бошанд. Ман бовар дорам, ки шароити соҳибкорони мо беҳтар хоҳад шуд. Дар доираи барномаҳои СҶТ мо барои бахши соҳибкории кишоварзӣ то 8 дарсад имтиёз мегирем.”

Сӯҳроб Одинаев бар ин назар аст, ки бо воридшавии Тоҷикистон ба СҶТ, ба вуҷуд овардани рақобат дар бозорҳои кишвар фазои сармоягузорӣ беҳтар хоҳад шуд.
Мӯҳр
Сабур
Ачиб гап мезанед, агар мо сохибкорони хурду миенаро дастгири карда натавонем, то кишварамонро ба пешбаранд, пас аъзоги дар СУС чи даркор буд?! Дар доираи СУС ХЕЧКАС чунин корхоро манъ кардаги нест!

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)