Зимни як амалиёти вижаи кормандони раёсати минтақавии гумрук дар вилояти Суғд, пеши роҳи воридоти ғайриқонунии беш аз 640 телфонӣ мобилӣ ва таҷҳизотҳои ба он таалуқ дошта гирифта шуд.
Тавре ба «Озодагон» сарнозири шӯъбаи иттилооти Хадамоти гумрук Нурулло Шарипов иттилоъ дод, дар роҳи нақлиётгарди Спитамен- Истаравшан автомашинаи «Опел-Вектра» таҳти идораи Раҳим Уматов, сокини ноҳияи Спитамен мавриди тафтиш қарор гирифт. Ҳангоми муоинаи гумрукӣ маълум гардид, ки дар дохили нақлиёт ба миқдори 240 дона телфонҳои мобилӣ, 7-дона монитор, ҳамчунин асбобҳои техникӣ ва заряддиҳии телефонҳои мобилӣ ба миқдори 400 дона дарёфт карда шуд.
Манбаъ афзуд, Раҳим Уматов ин молҳоро дар наздикии сарҳад аз шаҳрванди шахсияташ номаълуми ҷумҳурии Қирғизистон бидуни назорати гумрукӣ ғайриқонунӣ ба ҳудуди Тоҷикистон ворид кардааст. Барои вайрон намудани қонунгузории гумрукӣ нисбати Раҳим Уматов бо моддаи 598 кодекси ҳуқуқвайронкунии маъмурӣ парванда ифтитоҳ шуда, тафтишот идома дорад. {jathumbnail off}
Мӯҳр